Shangxey, xangjulardiki kishilik hoquq aktipliri metbu'at yalghanchiliqini eyiblep namayish qildi

Muxbirimiz méhriban
2013-10-01
Share

Xitay kommunist hökümitining 1-öktebir dölet bayrimida qattiq bixeterlik tedbirliri élin'ghan bolsimu, shangxey, xangjulardiki kishilik hoquq aktipliri xitay metbu'atliridiki yalghanchiliqni eyiblep namayish qildi.

Chet'ellerdiki xitay démokratliri tor béketliridin boshün torining xewer qilishiche, 30-séntebir küni xangju shehiridiki kishilik hoquq pa'aliyetchiliri we erzdarlardin chü liwen qatarliq 20 din artuq kishi xitayning xelq géziti ishxana binasi aldigha kélip, xelq gézitining "Ikki yildin buyan xangjudin birmu erzdar chiqmidi" qatarliq yalghan xewerlerni bergenlikini eyiblidi.

Xewerdin melum bolushiche, 1-öktebir küni shangxey shehiridiki erzdarlarmu shangxey sheherlik téléwiziye idarisi aldida namayish qilghan. Ular qollirida "Hökümet emeldarlirining mal-mülkini ashkarilishini telep qilimiz, metbu'atlarning xelq ishinidighan rast xewerlerni bérishini telep qilimiz" dégen plakatlarni kötürüp, hökümet metbu'atlirining yalghanchiliqini eyibligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.