Xitayning xelq'aradiki obrazi dawamliq töwenligen
2019.10.02
30-Séntebir küni kaliforniyediki “Péw merkizi” herqaysi memliketler heqqidiki ray sinashning axirqi netijisini élan qildi. Buningda 32 dölettiki 35 mingdin artuq kishi bu ray sinashqa qatnashqan bolup, üch ay dawam qilghan.
Ray sinashta xitayning “Yumshaq küch” süpitidiki obrazigha bérilgen baha shimaliy amérika, gherbiy yawropa we asiyada ötken yillardikidin zor derijide töwenligen. Yene kélip xitayni izchil maxtap kéliwatqan afriqida kéniye we jenubiy afriqa xitayni yaman körüshke yüz tutqan.
Bolupmu hindonéziye, kanada, shiwétsiye qatarliq döletlerdiki ray sinashta Uyghurlarning lagérlargha qamilishi, diniy étiqad erkinlikini cheklishi, xongkongdiki démokratiye namayishi, xitayning déngizdiki öktemliki dégenler sewebidin bu döletlerdiki xitaygha bérilgen baha téximu töwenligen. Bolupmu amérikining özide ray sinashqa qatnashqanlarning 57 pérsenti xitayni selbiy bahalighan.