Филиппин оқуғучилириниң спратил арилидики дала зиярити хитайниң оғисини қайнатти

Мухбиримиз шөһрәт һошур
2015-12-28
Share

Ройтрис агентлиқиниң хәвәр қилишичә, бүгүн хитай ташқи ишлар баянатчиси, филиппинлиқ бир гуруппа оқуғучиниң талаш-тартиштики спратил арилиға қәдәм басқанлиқиға қаттиқ наразилиқ билдүргән.

Хәвәрдә билдүрүлүшичә, сани 50 әтрапида болған, көпинчиси оқуғучилардин тәшкилләнгән бир гуруппа филиппинлиқлар үч күнлүк дала зиярити үчүн шәнбә күни спратил тақим араллиридики титу арилиға йетип барған.

Мәлум болушичә, титу арилиниң башлиқи егино бито оқуғучиларниң мәзкур зияритини хитайниң филиппин тупрақлирини чандурмай ишғал қилиш қәстигә қарита қарши мәйданини ипадиләш дегән. Хитай баянатчи бүгүнки сөзидә филиппинлиқларниң қилғинидин "қаттиқ хапа" болғанлиқини билдүрүш билән бирликтә, филиппин тәрәпни қанунсиз игиливалған мәзкур аралдики барлиқ киши вә әслиһәлирини чекиндүрүп әкетишни тәләп қилған вә районниң тинчлиқи вә филиппин-хитай достлуқиға зиянлиқ қилмишлардин сақлинишқа дәвәт қилған.

Спратил арили филиппин, вийетнам, бируней, малайшия вә тәйвән арисида талаш-тартиштики җай болуп, хитай мәзкур аралниң игилик һоқуқиниң пүтүнләй өзигә тәвә икәнликини дава қилиду. Филиппин илгири талаш-тартишни һәл қилиш үчүн хитайни гаагадики хәлқара сотта келишишкә чақирған, хитай тәрәп сотлишишни рәт қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт