Filippin oqughuchilirining spratil arilidiki dala ziyariti xitayning oghisini qaynatti

Muxbirimiz shöhret hoshur
2015-12-28
Share

Roytris agéntliqining xewer qilishiche, bügün xitay tashqi ishlar bayanatchisi, filippinliq bir guruppa oqughuchining talash-tartishtiki spratil ariligha qedem basqanliqigha qattiq naraziliq bildürgen.

Xewerde bildürülüshiche, sani 50 etrapida bolghan, köpinchisi oqughuchilardin teshkillen'gen bir guruppa filippinliqlar üch künlük dala ziyariti üchün shenbe küni spratil taqim aralliridiki titu ariligha yétip barghan.

Melum bolushiche, titu arilining bashliqi égino bito oqughuchilarning mezkur ziyaritini xitayning filippin tupraqlirini chandurmay ishghal qilish qestige qarita qarshi meydanini ipadilesh dégen. Xitay bayanatchi bügünki sözide filippinliqlarning qilghinidin "Qattiq xapa" bolghanliqini bildürüsh bilen birlikte, filippin terepni qanunsiz igiliwalghan mezkur araldiki barliq kishi we eslihelirini chékindürüp ekétishni telep qilghan we rayonning tinchliqi we filippin-xitay dostluqigha ziyanliq qilmishlardin saqlinishqa dewet qilghan.

Spratil arili filippin, wiyétnam, birunéy, malayshiya we teywen arisida talash-tartishtiki jay bolup, xitay mezkur aralning igilik hoquqining pütünley özige tewe ikenlikini dawa qilidu. Filippin ilgiri talash-tartishni hel qilish üchün xitayni ga'agadiki xelq'ara sotta kélishishke chaqirghan, xitay terep sotlishishni ret qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet