Xitay hökümiti öktichi zhurnalist gaw yüni 7 yilliq qamaqqa höküm qildi
2015.04.17
Béyjing sheherlik ottura sot jüme küni ataqliq xitay ayal öktichi zhurnalist gaw yü üstidin höküm chiqirip, uninggha 7 yilliq qamaq jazasi berdi. Sot uninggha “Chet'elliklerni dölet mexpiyetliki bilen teminlesh” jinayiti artqan.
Gaw yüning adwokati sha bawjün, bu jinayetke desmi bolghudek héchqandaq pakit yoqluqini tekitlep, gaw yü bilen 10 kün ichide yuqiri sotqa erz qilishni meslihetlishidighanliqini bildürgen. Uning körsitishiche, teptish da'irilirining otturigha qoyghan delili yéterlik emes. Gaw yüning tehdit astida bergen iqrari asasliq delil bolup qalghan.
Xitay hökümiti gaw yüni 2013-yili 7-ayda nyuyorktiki “Mingjing” axbarat guruhining bashliqi xé pinggha skayp arqiliq xitay merkizi komitéti ishxanisining 9-nomurluq höjjitini ewetip bergen, dep eyibligen. Biraq xé ping, gaw yüning undaq bir höjjet ewetip bergenlikini ret qilghan bolsimu, lékin bu yil 71 yashliq gaw yü, 2014-yili 5-ayda qolgha élin'ghan idi.
Yawropa ittipaqi gaw yüge bérilgen qamaq jazasini derhal tenqid qildi. Yawropa ittipaqining béyjingda turushluq diplomatik ömikining 1-katipi rafa'él droléwisky jüme küni “Bu höküm bizning xitaydiki kishilik hoquq qoghdighuchilirining jümlidin adwokat we zhurnalistlarning ehwalidin tuyghan endishimizni kücheytti” dégen.
Köp körülgen xewerler
RFA
- 3 Chong teshkilat birlikte “Xelq'ara Uyghur munbiri” namida yighin chaqiridighanliqini élan qildi
- Yapon parlamént ezaliri: “Uyghurlarni qoghdash yaponiyeni qoghdashtur”
- Xitay “Birliksep bölümi” yéqindin buyan “Shinjang hékayisini yaxshi sözlesh” teshwiqat herikiti qozghighan
- Xitayning chektin ashqan karantin tedbirliri Uyghurlar hayatigha üsti-üstilep qiyinchiliq tughdurghan
- Ghulja nahiyesdiki bir kent kadiri: “Bizdiki yuqumdarlar wirusni gensuluq sayahetchilerdin yuqturiwalghan”