Xitay hökümiti “4‏-Iyun weqesi” ning harpisida bezi öktichilerni nezerbend qilghan

Muxbirimiz erkin
2016.05.30
Share on WhatsApp
Share on WhatsApp

Xitay hökümiti 4‏-iyun “Tyen'enmén weqesi”ning 27 yilliq xatire küni harpisida “Tyen'enmén anilar herikiti”ning rehbiri, béyjing uniwérsitétining sabiq proféssori déng zilinni nezerbend qilghan.

Ataqliq xitay öktichi zhurnalist gaw yü düshenbe küni amérika ijtima'iy taratqusi- twétirgha uchur yollap, déng zilinning nezerbend qilin'ghanliqini ashkarilighan. Salametlik tüpeyli qamaq jazasini a'iliside ötewatqan gaw yüning bildürüshiche, béyjing amanliq da'iriliri déng zilin'gha 1‏-iyundin bashlap uning nezerbend astigha élinidighanliqini uqturghan. Gaw yü, déng zilinning öy téléfoni üzüp tashlan'ghanliqini, uning sirt bilen bolghan alaqisini saqchi kontrol qiliwatqanliqini bildürgen.

Déng zilinning oghli 1989‏-yili “Tyen'enmén weqesi”de ölgen. Shuningdin buyan u “Tyen'enmén anilar herikiti”ge rehberlik qilip, “Tyen'enmén weqesi”ni aqlashni, weqede jawabkarliqi bar sabiq bash ministir li péng qatarliq xitay rehberlirini sotlashni telep qilip kelgen.

Emma xitay kompartiyesi mezkur weqeni aqlashni yaki dewagerlerning li ping qatarliq emeldarlarni sotlashni telep qilip, aliy teptish mehkimisige sun'ghan erzini qobul qilishni izchil ret qilip kelgen idi.

Déng zilin bashqa a'ile tawabi'atlar bilen birge, her yili qebre süpürüsh qatarliq pa'aliyetler arqiliq weqede ölgenlerni xatirilep kelgen. U yéqinda özining salametliki yar bermigechke bu yil xatirileshke qatnishalmaydighanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.