Аптоном районлуқ юқири сот хитай өктичиниң 2‏-қетимлиқ сотини 12‏-айға кечиктүргән

Мухбиримиз әркин
2016-10-21
Share

Уйғур аптоном районлуқ юқири сот хитай өктичи җаң хәйтавниң юқири мәһкимигә сунған әрзийитигә алақидар 2‏-сот ечишни 12‏-айниң оттурилириға кечиктүргән. Җаң хәйтавниң аялиниң ашкарилишичә, алий сот җаңниң әрзийәт сотини 12‏-айниң оттурилириға кечиктүрүшни тәстиқлиған.

Бу җаңниң сотиниң 3‏-қетим кечиктүрүлүшидур. Көзәткүчиләрниң қаришичә, сотниң давамлиқ кечиктүрүлүши даириләрдә җаңниң делосиға нисбәтән пикир ихтилапи барлиқини көрситидикән.

Җаң хәйтав бу йил 1‏-айда "дөләт һакимийитини ағдурушқа қутратқулуқ қилиш", "чәтәлгә ахбарат йәткүзүш" билән әйиблинип, үрүмчи шәһәрлик оттура сот тәрипидин 19 йиллиқ қамақ җазасиға һөкүм қилинған. Әмма җаң һөкүмгә наразилиқ билдүрүп юқири сотқа әрз қилған иди.

Җаң хәйтав илгири чәтәлдики хитай өктичи тор бәтлиридә мақалә йезип, хитай һөкүмити вә униң уйғур сияситини тәнқид қилған. У өткән йили үрүмчи аманлиқ органлири тәрипидин "миллий өчмәнликкә қутратқулуқ қилиш" билән әйиблинип қолға елинған болсиму, әмма у "дөләт һакимийити ағдурушқа қутратқулуқ қилиш" билән сотлинип, қамақ җазасиға һөкүм қилинған иди.

Җаң хәйтавниң аяли ли әйҗйе пәйшәнбә күни радийомизниң зияритини қобул қилип, җаңниң гунаһсиз икәнликини тәкитләп, ташқи дунядин униң делосиға диққәт қилишни тәләп қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт