Aptonom rayonluq yuqiri sot xitay öktichining 2‏-qétimliq sotini 12‏-aygha kéchiktürgen

Muxbirimiz erkin
2016-10-21
Share

Uyghur aptonom rayonluq yuqiri sot xitay öktichi jang xeytawning yuqiri mehkimige sun'ghan erziyitige alaqidar 2‏-sot échishni 12‏-ayning otturilirigha kéchiktürgen. Jang xeytawning ayalining ashkarilishiche, aliy sot jangning erziyet sotini 12‏-ayning otturilirigha kéchiktürüshni testiqlighan.

Bu jangning sotining 3‏-qétim kéchiktürülüshidur. Közetküchilerning qarishiche, sotning dawamliq kéchiktürülüshi da'irilerde jangning délosigha nisbeten pikir ixtilapi barliqini körsitidiken.

Jang xeytaw bu yil 1‏-ayda “Dölet hakimiyitini aghdurushqa qutratquluq qilish”, “Chet'elge axbarat yetküzüsh” bilen eyiblinip, ürümchi sheherlik ottura sot teripidin 19 yilliq qamaq jazasigha höküm qilin'ghan. Emma jang hökümge naraziliq bildürüp yuqiri sotqa erz qilghan idi.

Jang xeytaw ilgiri chet'eldiki xitay öktichi tor betliride maqale yézip, xitay hökümiti we uning Uyghur siyasitini tenqid qilghan. U ötken yili ürümchi amanliq organliri teripidin “Milliy öchmenlikke qutratquluq qilish” bilen eyiblinip qolgha élin'ghan bolsimu, emma u “Dölet hakimiyiti aghdurushqa qutratquluq qilish” bilen sotlinip, qamaq jazasigha höküm qilin'ghan idi.

Jang xeytawning ayali li eyjyé peyshenbe küni radiyomizning ziyaritini qobul qilip, jangning gunahsiz ikenlikini tekitlep, tashqi dunyadin uning délosigha diqqet qilishni telep qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet