Rik skot: "Olimpik komitétini xitayning qishliq olimpikqa sahibxaniliq qilish salahiyitini bikar qilishqa mejburlaydighan qarar layihesi derhal maqullinishi kérek"

Muxbirimiz irade
2020-10-08
Share

Amérika kéngesh palata ezasi rik skot Uyghurlargha zulum qiliwatqan xitayning 2022-yilliq qishliq olimpik musabiqisige sahibxaniliq qilishini bikar qilish üchün olimpik komitétigha bésim ishlitidighan qarar layihesining derhal maqullinishini telep qildi.

"Töpilik" (The Hill) torining xewer qilishiche, sénator rik skot bu heqte kéngesh palatasi tashqi munasiwetler komitétigha yazghan xétide mundaq dégen: "Xitay bash sékrétar shi jinping bu mes'uliyetsizlerche herikitini dawamlashturidiken, u halda kommunist xitay hakimiyitini 2022-yilliq olimpik tenheriket musabiqisi bilen tartuqlashqa hergiz bolmaydu. Men dunyadiki rehimsiz mustebitler teripidin éziliwatqanlargha qarshi démokratik küreshte men bilen bir septe ikenlikinglarni bilimen. Men qarar layihesini maqullap, kommunist xitayning qilmishini eyiblishinglarni hemde xelq'ara olimpik komitétini 2022-yilliq olimpik tenheriket musabiqisi üchün yéngi sahibxana tépishqa mejburlishinglarni soraymen."

Amérika kéngesh palata ezasi rik sikot bu yil 3-ayda xelq'ara olimpik komitétigha Uyghurlarni keng kölemde tutqun qilip yighiwélish lagérlirigha qamawatqan xitay hakimiyitige bérilgen sahibxaniliq heqqini bikar qilish heqqide bésim ishlitidighan qarar layihesini muzakirige sun'ghan bolup, bu qarar layihesige 12 neper kéngesh palata ezasi qol qoyghan.

Nöwette xelq'arada xitay sahibxanliqidiki qishliq olimpikni bayqut qilishla emes, belki uni pütünley bikar qilish heqqidiki chaqiriqlar kücheymekte. Aldinqi ayda 160 din artuq kishilik hoquq teshkilati xelq'ara olimpik komitétidin qishliq tenheriket musabiqisining sahibxanini almashturushni telep qilghan. Nöwette amérikadin bashqa en'gliye we yawropa ittipaqidiki hökümet emeldarliri arisidimu bu mesile diqqet nuqtisigha aylanmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet