"Diplomat" zhurnili: "Béyjing qishlaq olimpik musabiqisini bayqut qilish ünümlük bolushi mumkin"

"Diplomat" zhurnili 7-öktebir maqale élan qilip, 2022-yilliq béyjing qishlaq olimpik musabiqisini bayqut qilish xitayning Uyghur diyaridiki kishilik hoquq depsendichilikini jazalash üchün ünümlük chare bolushi mumkinlikini bildürgen. "Diplomat" zhurnilining bash muherriri shenon téyzining namida élan qilin'ghan maqalide tekitlishiche, "Gherb libéral démokratiyesi bilen tenterbiyechiler arisida xitayning olimpik chüshini yoqqa chiqarghudek keng baghlinish bar" iken.

Shenon téyzining tekitlishiche, gerche 160 dek xelq'ara teshkilat xelq'ara olimpik komitétigha xet yézip, béyjing qishlaq olimpik musabiqisini bikar qilishni telep qilghan bolsimu, lékin olimpik komitétining bu musabiqini bikar qilish mumkinchiliki chong emes iken. Shenon téyzi "Béyjing qishlaq olimpik musabiqisini bayqut qilish ünümlük bolushi mumkin" mawzuluq maqaliside, xitayning kishilik hoquq xatirisi qattiq nacharlashqan bolsimu, biraq xelq'ara olimpik komitétining prézidénti tomas baxning "Siyasiy arqa körünüshi we dölet teweliki seweblik" olimpikni bayqut qilishqa qarshi turghanliqini tekitligen.

Uning qeyt qilishiche, gherbtiki libéral démokratik döletler qishliq olimpik musabiqiliride meyli tenterbiye mahariti, meyli qiziqip körüsh jehetlerde bolsun, üstünlükni igenligen bolup, eger ular xitayning Uyghurlargha tutqan qorqunchluq mu'amilisini körmeske salghan, uni normallashturghan olimpik musabiqisige qatnishishni ret qilsa, bu 2022-yilliq qishliq olimpik musabiqisige ejellik zerbe bolidiken.

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar