Xelq'ara olimpik komitéti béyjing qishliq olimpikide tenheriketchilerni yirginishlik ehwalgha chüshürüp qoyush bilen eyiblendi

Muxbirimiz erkin
2021-11-05
Share

Awstraliyediki "Muhapizetchi" gézitide 3-noyabir küni élan qilin'ghan bir maqalide, xelq'ara olimpik komitéti béyjing qishliq olimpik musabiqisde ching turuwélip, tenherketchilarni yirginishlik ehwalgha chüshürüp qoyush bilen eyiblen'gen. Maqalide éytilishiche, xelq'ara olimpik komitétining béyjing qishliq olimpikini ‍ötküzüshte ching turushi, olimpik tenhetketchilirini amalsiz ehwalda qoyghan. "Qishliq olimpik tenherketchiliri xel'ara olimpik komiéti teripidin yirginishlik ehwalgha chüshürüp qoyuldi" mawzuliq bu maqalini aswtraliyelik yazghuchi we ‍adwokat ki'éran pendér qelemge alghan.

Uning körsitishiche, béyjing qishliq olimpiki tarixtiki eng siyasiylashqan olimpik musabiqisigha aylan'ghan bolup, uninggha qatnishidighan tenhetketchiler yaki süküt qilip, xitayning kishilik hoquq wehshilikige shérik bolush yaki uninggha qarshi sözleshning birini tallashqa duch kelgen. Aptor maqaliside xelq'ara olimpik komitétining prézidénti tomas bax gerche "Olimpik siyaset emes" dep körsetken bolsimu, biraq "Tenterbiyening ezeldin siyaset" ikenliki we "Dewrimizdiki olimpiklarning téximu shundaqliqi" ni tekitligen.

Uning éytishiche, xelq'ara olimpik komitéti özining ishenchisini rusiyege, türkmenistan'gha, mana emdi xitaygha höddige bergenlikining siyasi aqiwitini inkar qilalmaydiken, Uyghurlarning keng kölemlik tutqun qilinishi uning wezipisining sirtida emes iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet