Xitay "Jang chiyen" namliq chong tipliq opéra teyyarlap, "Dunyagha shinjang ezeldin tartip xitay zémini" ikenlikini élan qilishqa kirishken

Muxbirimiz erkin
2021-10-18
Share

Xitay da'iriliri Uyghur élide ghayet zor meblegh, adem küchi we 4 yil waqit serp qilip, xitayning xen dewride hunlargha qarshi gherbiy rayon'gha ewetken elchisi jang chiyen toghrisida chong tipliq opéra ishligen. "Jang chiyen" namliq chong tipliq bu opéra xitay hökümiti Uyghurlargha "‍Irqiy qirghinchiliq" élip bérish, ‍ularning medeniyiti, tili, diniy, tarixini ret qilip, ulargha "Jungxu'a milliti ortaq éngi" ni mejburiy singdürüshke urunush bilen eyi'ibliniwatqan bir waqitta ishlen'gen.

Bezi közetküchilerning éytishiche, xitay da'iriliri bu opéra arqiliq ‍özining Uyghur éli tarixigha qarita resmiy qarishini sen'et arqiliq kishilerge téximu chongqur singdürüp, uning bu rayondiki ‍igilik hoquqigha bolghan gumanlarni yoqatmaqchi iken. Xitay tarixiy matériyallirida xen padishahi xenwudining jang chiyenni hunlargha qarshi ittipaqdash izdeshke miladidin burunqi 139-yili gheyriy rayon'gha ewetkenliki, jang chiyenning on nechche yilliq gherbiy rayon sepiride nurghun axbarat toplap, xen sulalisining hunlarni meghlup qilishida halqiliq rol oynighanliqi qeyt qilin'ghan.

Lékin xitayning kéyinki hökümetliri "Shinjang xitayning ezeldin tartip bir qismi" dégenni algha sürüshte jang chiyenni destek qilip kelgen. Uyghur aptonom rayoni da'iriliri 17-öktebir 4 qisimliq mezkur opéraning pütüsh munasiwiti bilen axbarat yighini chaqirghan. "Xitay xewerliri" torining bildürüshiche, axbarat yighinida, aptonom rayonluq teshwiqat bölümining mu'awin bashliqi rén yenbin, "Jang chyen" opérasini choqum xewer, mexsus teshwiqat doklati we edebiy obzor qatarliq shekiller arqiliq "Pütün xitaygha we pütün dunyagha shinjang ezeldin tartip xitayning ayrilmas bir parchisi, dégenni namayan qilish kérek" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet