Xitay hökümiti xitay ichi we sirtida oquwatqan oqughuchilarni “Wetenperwerlik terbiyisi” bilen terbiyileshni kücheytmekchi

Muxbirimiz irade
2016.02.11

Xitay ma'arip ministirliqi yéqinda uqturush chüshürüp, mekteplerde oquwatqan barliq oqughuchilarni we hetta chet'ellerde oquwatqan oqughuchilarnimu “Wetenperwerlik terbiyisi” bilen terbiyileshning zörürlükini tekitligen.

Shinxu'a agéntliqining bu heqtiki xewirige qarighanda, uqturushta “Wetenperwerlik terbiyisi” ni derslik kitablar, oqughuchilarni bahalash, muziyxana ziyaretliri we intérnét tori qatarliq barliq sahelerge singdürüsh, uniwérsitét oqughuchilirini partiyige egeshtürüsh, ulargha partiye tarixi, inqilab we islahat tarixigha qarita selbiy pozitsiyide bolushning we qehrimanlargha töhmet chaplashning xeterlik ikenlikini chüshendürüsh telep qilin'ghan.

Xitay ma'arip ministirliqi bu uqturushida yene, chet'ellerde bilim ashuruwatqan oqughuchilar mesilisinimu alahide tilgha élip, ularning chet'ellerdimu shi jinpingning “Junggo chüshi” diki körsetmilirini özige qibliname qilishi kéreklikini tekitligen.

Nyuyork waqti géziti bu heqtiki xewiride, yuqiridiki bu uqturushning xitay hökümitining oqughuchilar üstidiki bésimni ashuruwatqanliqining yene bir ipadisi süpitide diqqet qozghawatqanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.