Хитай һөкүмити хитай ичи вә сиртида оқуватқан оқуғучиларни «вәтәнпәрвәрлик тәрбийиси» билән тәрбийиләшни күчәйтмәкчи

Мухбиримиз ирадә
2016-02-11
Елхәт
Пикир
Share
Принт

Хитай маарип министирлиқи йеқинда уқтуруш чүшүрүп, мәктәпләрдә оқуватқан барлиқ оқуғучиларни вә һәтта чәтәлләрдә оқуватқан оқуғучиларниму «вәтәнпәрвәрлик тәрбийиси» билән тәрбийиләшниң зөрүрлүкини тәкитлигән.

Шинхуа агентлиқиниң бу һәқтики хәвиригә қариғанда, уқтурушта «вәтәнпәрвәрлик тәрбийиси» ни дәрслик китаблар, оқуғучиларни баһалаш, музийхана зиярәтлири вә интернет тори қатарлиқ барлиқ саһәләргә сиңдүрүш, университет оқуғучилирини партийигә әгәштүрүш, уларға партийә тарихи, инқилаб вә ислаһат тарихиға қарита сәлбий позитсийидә болушниң вә қәһриманларға төһмәт чаплашниң хәтәрлик икәнликини чүшәндүрүш тәләп қилинған.

Хитай маарип министирлиқи бу уқтурушида йәнә, чәтәлләрдә билим ашуруватқан оқуғучилар мәсилисиниму алаһидә тилға елип, уларниң чәтәлләрдиму ши җинпиңниң «җуңго чүши» дики көрсәтмилирини өзигә қиблинамә қилиши керәкликини тәкитлигән.

Нюйорк вақти гезити бу һәқтики хәвиридә, юқиридики бу уқтурушниң хитай һөкүмитиниң оқуғучилар үстидики бесимни ашуруватқанлиқиниң йәнә бир ипадиси сүпитидә диққәт қозғаватқанлиқини билдүргән.

Пикирләр (0)
Share
Толуқ бәт