Мутәхәссис җәймис дорсей: оттура асия әллири хитайдин мустәқил йол тутушниң койида

Мухбиримиз шөһрәт һошур
2018-07-27
Елхәт
Пикир
Share
Принт

Сингапорлуқ мутәхәссис җәймис дорсейниң қаришичә нөвәттә оттура асия әллири хитайға беқинип қалмаслиқ вә мустәқил йол тутушниң койиға чүшкән. Мәзкур мутәхәссисниң бүгүн «лобелог» торида елан қилған мақалисидә дейилишичә, йиллардин бери хитай билән болған иқтисадий һәмкарлиқ оттура асия әллириниң асаси әслиһә қурулушиниң тәрәққиятиға һәссә қошқан болсиму, әмма иш пурсити яритип берәлмигән. Бу әһвал оттура асия әллириниң негизлик еһтияҗлириға җаваб болалмиған; шуңа қазақистан президенти нурсултан назарбайеф өткәндә америка президенти доналд трамп билән көрүшкәндә америка билән истратегийилик ортақлиқни күчәйтишни тәләп қилған; өзбекистан президенти шавкәт мирзияйефму вашингтон зияритидә өзбекистанниң сиясий вә иқтисадий ислаһат ишлирида америкидин ярдәм күтидиғанлиқини баян қилған. Мутәхәссис җәймис дорсейниң қаришичә, оттура асия әллиридә хитай вә русийәниң тәсиридин қутулуш үчүн америка вә явропаға йүзлиниш, болупму хитайға беқиништин сақлиниң хаһиши шәкилләнгән. Униң үстигә йеқинда қазақистанға уйғур районидин қечип чиққан сайрагүл саутбайниң сот җәряни қазақистанлиқларда хитайға қарита наразилиқ туйғуси пәйда қилған болса қазақ әмәлдарларни арисалдилиқта қойған. Оттура асия әллиридики хитайдин мустәқил йол тутуш хаһишиға хитайниң уйғур районида йолға қоюватқан иҗраатлири вә пәйда қилған әндишиләрму түрткә болған.

Пикирләр (0)
Share
Толуқ бәт