Mutexessis jeymis dorséy: ottura asiya elliri xitaydin musteqil yol tutushning koyida

Muxbirimiz shöhret hoshur
2018-07-27
Élxet
Pikir
Share
Print

Sin'gaporluq mutexessis jeymis dorséyning qarishiche nöwette ottura asiya elliri xitaygha béqinip qalmasliq we musteqil yol tutushning koyigha chüshken. Mezkur mutexessisning bügün "Lobélog" torida élan qilghan maqaliside déyilishiche, yillardin béri xitay bilen bolghan iqtisadiy hemkarliq ottura asiya ellirining asasi eslihe qurulushining tereqqiyatigha hesse qoshqan bolsimu, emma ish pursiti yaritip bérelmigen. Bu ehwal ottura asiya ellirining négizlik éhtiyajlirigha jawab bolalmighan؛ shunga qazaqistan prézidénti nursultan nazarbayéf ötkende amérika prézidénti donald tramp bilen körüshkende amérika bilen istratégiyilik ortaqliqni kücheytishni telep qilghan؛ özbékistan prézidénti shawket mirziyayéfmu washin'gton ziyaritide özbékistanning siyasiy we iqtisadiy islahat ishlirida amérikidin yardem kütidighanliqini bayan qilghan. Mutexessis jeymis dorséyning qarishiche, ottura asiya elliride xitay we rusiyening tesiridin qutulush üchün amérika we yawropagha yüzlinish, bolupmu xitaygha béqinishtin saqlining xahishi shekillen'gen. Uning üstige yéqinda qazaqistan'gha Uyghur rayonidin qéchip chiqqan sayragül sa'utbayning sot jeryani qazaqistanliqlarda xitaygha qarita naraziliq tuyghusi peyda qilghan bolsa qazaq emeldarlarni arisaldiliqta qoyghan. Ottura asiya elliridiki xitaydin musteqil yol tutush xahishigha xitayning Uyghur rayonida yolgha qoyuwatqan ijra'atliri we peyda qilghan endishilermu türtke bolghan.

Toluq bet