Бишкәк хитай-қирғизистан-өзбекистан төмүр йол қурулушини ақситип қойған

Мухбиримиз әркин
2015.11.06

Қирғизистан қәшқәрни қарасу билән әнҗанға улайдиған төмүр йол қурулушини ақситип қойған. Америка җемистовн фонди тәтқиқат орниниң ашкарилишичә, өзбекистан өз тәвәсидики 129 километирлиқ төмүрйол қурулушиниң 104 километирини пүттүрүп болған. Әмма қирғизистан бейҗиң билән болған малийә, техникилиқ мәсилиләрдики ихтилапи сәвәблик төмүр йол қурулушини ақсатқан.

Җемистовн фондиниң хәвиридә, қирғизистанниң төмүр йолни ясаш-ясимаслиқ мәсилисидә арисалди болуватқанлиқини билдүргән. Қәшқәр хитай-қирғизистан-өзбекистан төмүр төмүр йолиниң баш бекити. Пиланға асасән у торғат арқилиқ қирғизистанниң қарасу, у йәрдин өзбекистанниң әнҗан шәһиригә тутушиду.

Мәзкур қурулуш хитай рәиси ши җинпиң оттуриға қойған “йеңи йипәк йоли” пиланиниң бир қисми. У төмүрйолниң ахири өзбекистан арқилиқ афғанистан, иран вә түркийәниң истанбул шәһири вә явропаға қәдәр йетип бариду.

Хитай һөкүмити бу қурулуш уйғур райониниң иқтисадий тәрәққиятини алға сүрүп, уйғур илини оттура асияниң сода мәркизигә айландуриду, дәп көрсәтсиму, бирақ уйғур өктичиләр униңдин уйғурларниң пайдилиниши гуманлиқ, дәп қарап кәлди.

Җемистовн фондиниң илгири сүрүшичә, қирғизистан 2012‏-йили мәзкур төмүр йол қурулушини актип қоллиған болсиму, әмма у кейнрәк арисалди болуп, қурулушни арқиға сөрәп кәлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.