Bishkek xitay-qirghizistan-özbékistan tömür yol qurulushini aqsitip qoyghan

Muxbirimiz erkin
2015-11-06
Élxet
Pikir
Share
Print

Qirghizistan qeshqerni qarasu bilen enjan'gha ulaydighan tömür yol qurulushini aqsitip qoyghan. Amérika jémistown fondi tetqiqat ornining ashkarilishiche, özbékistan öz tewesidiki 129 kilométirliq tömüryol qurulushining 104 kilométirini püttürüp bolghan. Emma qirghizistan béyjing bilen bolghan maliye, téxnikiliq mesililerdiki ixtilapi seweblik tömür yol qurulushini aqsatqan.

Jémistown fondining xewiride, qirghizistanning tömür yolni yasash-yasimasliq mesiliside arisaldi boluwatqanliqini bildürgen. Qeshqer xitay-qirghizistan-özbékistan tömür tömür yolining bash békiti. Pilan'gha asasen u torghat arqiliq qirghizistanning qarasu, u yerdin özbékistanning enjan shehirige tutushidu.

Mezkur qurulush xitay re'isi shi jinping otturigha qoyghan "Yéngi yipek yoli" pilanining bir qismi. U tömüryolning axiri özbékistan arqiliq afghanistan, iran we türkiyening istanbul shehiri we yawropagha qeder yétip baridu.

Xitay hökümiti bu qurulush Uyghur rayonining iqtisadiy tereqqiyatini algha sürüp, Uyghur ilini ottura asiyaning soda merkizige aylanduridu, dep körsetsimu, biraq Uyghur öktichiler uningdin Uyghurlarning paydilinishi gumanliq, dep qarap keldi.

Jémistown fondining ilgiri sürüshiche, qirghizistan 2012‏-yili mezkur tömür yol qurulushini aktip qollighan bolsimu, emma u kéynrek arisaldi bolup, qurulushni arqigha sörep kelgen.

Toluq bet