Xitay shirkiti özbékistandiki zawut qurulushi üchün zor meblegh salidighanliqini bildürgen

Muxbirimiz ümidwar
2017-09-03
Share

Özbékistan prézidénti shawket mirziyayéfning bu yil 5-aydiki xitay ziyariti jeryanida xitay bilen özbékistan arisida zor miqdardiki soda-iqtisadi, meblegh we bashqa sahelerge a'it kélishimler imzalan'ghandin kéyin, xitay terepning özbékistan'gha meblegh sélishni aktiplashturiwatqanliqi éytilmaqta.

Buning misali süpitide xitayning bir shirkiti semerqentte sémont we eynek zawutini qurush üchün bir yérim milyard dollar meblegh salidighanliqini bildürüp, özbékistan terep bilen kélishim hasil qilghan. "Özbékistan xewerliri" agéntliqining bu heqtiki uchuridin melum bolushiche, xitayning "CITI Holding Group Co.Ltd" dep atalghan shirkiti özbékistanning "Umer" qurulush-ishlepchiqirish shirkiti terkibidiki tarmaq shirket bilen hemkarliship, semerqentte birleshme shirket qurush hemde birlikte sémont, qélin qurulush eynekliri ishlepchiqirish hemde qurulush matériyallirini ishlepchiqiridighan téxnika orunlirini qurushni pilan qilghan. Xitay terep bir yérim milyard dollar meblegh salidighanliqini bildürgen.

Ottura asiya uchur wasitiliridin melum bolushiche, xitay özbékistan'gha qoshna tajikistan'ghimu köplep meblegh sélip, her xil zawutlarni qurmaqta. Ilgiri xitay bilen özbékistan arisida tebi'iy gaz sahesidiki hemkarliq kélishimi asasiy orunda turatti. Nöwette özbékistanning xitayning türlük saheler boyiche meblighini jelp qilishqa kirishkenliki bildürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet