Хитай консулханисиниң “һиҗаб ечиш” чақириқи пакистанда кәскин тәнқидләнди

Мухбиримиз әзиз
2021-03-09
Share

“8-март аяллар байрими” күни хитай һөкүмитиниң пакистандики баш әлчиханисиниң мәдәнийәт мәслиһәтчиси җаң хечиң өзиниң тиветтер бетидә “һиҗабиңни ечивәт, көзлириңни мән көрәй. Шинҗаң уссули” дегән мавзуда йерим-ялиңач бир хитай қизниң уссул ойниған видийосини чиқарған. Әмма аридин һечқанчә өтмәйла буниңға қарши қар-ямғурдәк инкаслар йезилип, пакистанда қаттиқ ғулғула пәйда қилған.

Бу һәқтә чүшкән инкасларниң һәммисила дегүдәк хитай әлчиханисиниң алий дәриҗилик мәслиһәтчиси болған бир хадимниң мусулманлар дөлитидә “һиҗабиңни ач” дәп чақириқ қилишини мусулманларға қилинған еғир һақарәт, дәп қариған. Шундақла мушундақ бир калва әмәлдарниң қандақ болуп әлчиханида мәдәнийәт мәслиһәтчиси болуп ишләйдиғанлиқиға соал қойған. Йәнә бәзиләр болса “хитай һазир мусулманларниң һиҗабини йоқ қиливатиду. Буни бизниң дөлиитмизгә елип келишиңгә рухсәт йоқ!” дәп хитаб қилған.

“пакистан вақти” гезитиниң 9-марттики хәвиридә ейтилшичә, җаң хечиң шу күнила тиветтер бетидики бу учурларни юювәткән. Әмма униң тивиттер бетиниң екран йүзини сүрәткә еливалғанлар бу сүрәтләрни башқилар билән көпләп һәмбәһирлигән. Шундақла “бу калва әмәлдарниң қилмишини бейҗиңға мәлум қилип қояйли!”, “бу саман қорсақни пакистандин һәйдәп чиқирайли” дәп тил салған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт