Хитай-пакистан иқтисадий каридориниң кишилик һоқуқини дәпсәндә қилидиғанлиқи мәлум

Мухбиримиз җүмә
2017-10-21
Елхәт
Пикир
Share
Принт

Хитай пакистанға мәбләғ селип башлиған хитай-пакистан иқтисадий каридориниң пакистандики бир қисим милләтләрниң кишилик һоқуқини дәпсәндә қилидиғанлиқи илгири сүрүлди.

Һиндистандин чиқидиған «иқтисад вақит гезити» ниң хәвәр қилишичә, бу һәқтики бир тәтқиқатни баш штаби бирюсселға җайлашқан гаага истратегийилик тәтқиқатлар мәркизи елип барған. 

Уларниң билдүрүшичә, хитай-пакистан иқтисадий каридори пакистандики балучистан вә гилгит қатарлиқ дәталаштики территорийәләрдин өтидиғанлиқи үчүн, бу районға ясиливатқан юқири сүрәтлик таш йоллар райондики хәлқләрниң кишилик һоқуқиға еғир дәхли тәрз қилипла қалмай, районниң екологийисигә чәксиз дәриҗидә бузғунчилиқ елип келидикән. 

Хәвәрдә нәқил қилишичә, тәтқиқат мәркизиниң анализчиси вилләм остәвәл бесивелинған районларға бәзи қурулушларни қилишни чәкләйдиған қанунларниң барлиқини билдүргән. 

Хәвәргә қариғанда, хитай-пакистан иқтисадий каридори қурулуши йәрлик хәлқләрниң ирадисигә хилап һалда мәҗбурий елип бериливатқан болғачқа, хәлқара кишилик һоқуқ органлириниң күчлүк әйиблишигә учриған.

Хәвәрдә нәқил қилишичә, германийәлик паалийәтчи клавдия һәйлбәрг мундақ дегән: хитай бир йол бир бәлвағ истратегийиси арқилиқ асиядин африқиға вә явропағичә болған арилиқта истратегийилик орун игиләп дуняви күч қазанмақчи болуватиду. Демократик муддиа вә дуняви әркин сода улар йәтмәкчи болған нишан әмәс. Дегән. 

Хәвәрдә башқа тәтқиқатчиларниң ейтқанлиридин нәқил елип көрситишичә, улар бирдәк пакистан мәзкур каридур қурулушини зораванлиқ билән елип бериватқан болуп, бу җәрянда пакистан армийиси башчилиқидики көчиләр бу районлардики кишиләрниң кишилик һоқуқни кәң көләмлик дәпсәндә қилишқа башлиған. 

Хитай 45 милярд доллар мәбләғ салған мәзкур иқтисадий каридур қурулуши уйғур елиниң қәшқәр шәһирини пакистанниң гвадар портиға ташйол, төмүрйол вә нефит туруба линийиси билән туташтурушни мәқсәт қилған зор көләмлик енергийә ториниму өз ичигә алиду. 

«Белуҗи миллий һәрикити» тәшкилати илгири хитай вә пакистан күчлириниң бу иқтисадий каридор сәвәблик белуҗи хәлқигә селиватқан зиянкәшликлирини дуня җамаитигә билдүрүш һәрикитини башлиған.

Пикирләр (0)
Share
Толуқ бәт