Xitay-pakistan iqtisadiy karidorining kishilik hoquqini depsende qilidighanliqi melum

Muxbirimiz jüme
2017-10-21
Élxet
Pikir
Share
Print

Xitay pakistan'gha meblegh sélip bashlighan xitay-pakistan iqtisadiy karidorining pakistandiki bir qisim milletlerning kishilik hoquqini depsende qilidighanliqi ilgiri sürüldi.

Hindistandin chiqidighan "Iqtisad waqit géziti" ning xewer qilishiche, bu heqtiki bir tetqiqatni bash shtabi biryussélgha jaylashqan ga'aga istratégiyilik tetqiqatlar merkizi élip barghan. 

Ularning bildürüshiche, xitay-pakistan iqtisadiy karidori pakistandiki baluchistan we gilgit qatarliq detalashtiki térritoriyelerdin ötidighanliqi üchün, bu rayon'gha yasiliwatqan yuqiri süretlik tash yollar rayondiki xelqlerning kishilik hoquqigha éghir dexli terz qilipla qalmay, rayonning ékologiyisige cheksiz derijide buzghunchiliq élip kélidiken. 

Xewerde neqil qilishiche, tetqiqat merkizining analizchisi willem ostewel bésiwélin'ghan rayonlargha bezi qurulushlarni qilishni chekleydighan qanunlarning barliqini bildürgen. 

Xewerge qarighanda, xitay-pakistan iqtisadiy karidori qurulushi yerlik xelqlerning iradisige xilap halda mejburiy élip bériliwatqan bolghachqa, xelq'ara kishilik hoquq organlirining küchlük eyiblishige uchrighan.

Xewerde neqil qilishiche, gérmaniyelik pa'aliyetchi klawdiya heylberg mundaq dégen: xitay bir yol bir belwagh istratégiyisi arqiliq asiyadin afriqigha we yawropaghiche bolghan ariliqta istratégiyilik orun igilep dunyawi küch qazanmaqchi boluwatidu. Démokratik muddi'a we dunyawi erkin soda ular yetmekchi bolghan nishan emes. Dégen. 

Xewerde bashqa tetqiqatchilarning éytqanliridin neqil élip körsitishiche, ular birdek pakistan mezkur karidur qurulushini zorawanliq bilen élip bériwatqan bolup, bu jeryanda pakistan armiyisi bashchiliqidiki köchiler bu rayonlardiki kishilerning kishilik hoquqni keng kölemlik depsende qilishqa bashlighan. 

Xitay 45 milyard dollar meblegh salghan mezkur iqtisadiy karidur qurulushi Uyghur élining qeshqer shehirini pakistanning gwadar portigha tashyol, tömüryol we néfit turuba liniyisi bilen tutashturushni meqset qilghan zor kölemlik énérgiye torinimu öz ichige alidu. 

"Béluji milliy herikiti" teshkilati ilgiri xitay we pakistan küchlirining bu iqtisadiy karidor seweblik béluji xelqige séliwatqan ziyankeshliklirini dunya jama'itige bildürüsh herikitini bashlighan.

Toluq bet