Xitayning téngshün qatarliq dangliq shirketliri pay chéki bazirida éghir ziyan'gha uchrighan

Muxbirimiz jewlan
2021-07-28
Share

Xitay hökümitining "Solchil inqilap" qozghap, xususiy karxanilar we shirketlerge zerbe bérishi netijiside, xitayning téngshün, eli baba, méytu'en qatarliq dangliq uchur-téxnika shirketlirining payliri pay chéki bazirida tökme qilip sétilip, bir künning ichide nechche yüz milyard dollar bayliqi tozup ketken.

CNN Xong kong shöbisi "Pul-mu'amile" torining xewer qilishiche, seyshenbe küni (27-iyul) méytu'en shirkitining xong kong pay chéki baziridiki pay chéki 17. 7 Pirsent chüshüp, düshenbe künidikidin 14 pirsent töwenligen, bu mezkur shirketning pay chéki bazirigha kirgendin buyan uchrighan eng éghir ziyini iken. Téngshün shirkitining pay chéki 9 pirsent chüshken bolup, on yildin buyan eng éghir ziyan tartqan küni hésablinidiken. Eli baba shirkitimu düshenbe küni xong kong pay chéki bazirida ziyan'gha uchrighan bolup, pay chéki 6. 4 Pirsent chüshüp ketken. Shundaq qilip, téngshün, eli baba, méytu'enning 48 sa'et ichide yoqatqan jem'iy bayliqi 237 milyard dollardin éship ketken.

Xewerde éytilishiche, bu bir qanche aydin buyan xitayning uchur-téxnika shirketliri ziyan'gha uchrap kéliwatqan bolup, bu yil 2-aydin bashlap, chet eldiki pay chéki bazirigha kirgen xitay téxnika shirketlirining pay chéki chüshüp kétip, 1 tirilyon dollardin artuq ziyan tartqan, bu kishini chöchitidighan ehwal iken. Buning asasliq sewebini xitay hökümitining solchil, tetür siyasitidin körüshke bolidiken؛ chünki xitay hökümiti yillardin buyan dölet karxanilirini qollap, xususiy karxanilarni tizginlesh, xususiy karxanilarni shilip, dölet karxanilirigha yardem qilish siyasiti qolliniwatqan bolghachqa, bu weziyette téngshüen, eli babagha oxshash xususiy karxanilargha bolghan ishench töwenlep, paychiklarning bu shirketlerning paylirini tökme qilip sétish ehwali körülgen.

Uningdin bashqa, xongkong xéngshéng pay chéki indéksida bu ikki hepte éghir töwenlesh körülgendin kéyin, xongkong dollirining qimmitimu bu yil 4-aydin buyanqi eng töwen nuqtigha chüshüp qalghan. Xéng shéng indéksi bu heptining düshenbe, seyshenbe künila 8 pirsent töwenligen, bu ayda bolsa 13 pirsent töwenligen, bu 2011-yil 9-aydin buyanqi eng nachar alamet iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet