Xitayning paychek baziri jüme küni jiddiy töwenligen

Muxbirimiz jüme
2015-11-28
Élxet
Pikir
Share
Print

Xitayning paychek baziri jüme küni jiddiy töwenlep, xitay pul - mu'amile bazirigha yene bir soghuq silkinish élip kelgen.

Xewerlerge qarighanda, shangxey birikme indéksi jüme küni jem'iy 5.5 Pirsent töwenligen. Bu xitay paychek bazirining bu yil awghusttin buyanqi eng éghir töwenlishi iken.

Xitayning paychek bazarliri bu yil iyuldiki töwenleshte 3 tirilyon dollardin artuq ziyan körsetkendin kéyin, xitay da'iriliri paychek almashtur sodisini tekshürüshke bashlighan. Bu jeryanda bir nechche neper meblegh sélish shirketlirining mes'ulliri tutulghan, yaki soraqqa tartilghan idi.

Xitay shundin kéyin bazargha köp nisbette neq pul kirgüzüsh we bir qisim hökümet igidarchiliqidiki chong shirketlerni paychek sétishtin toxtitish qatarliq jiddiy tedbirlerni élip bazarni ongshimaqchi bolghan.

"Blumbérg" torining xewer qilishiche, bu yil iyulning otturilirighiche 5 ming 100 po'intqa yetken shangxey indéksi 2 - séntebirge kelgende 3 ming 160 po'intqa chüshüp qalghan.

Shangxey indéksi shundin kéyin bir'az turaqlashqan we mu'eyyen derijide örligen bolsimu, 27 - noyabir yene töwenlep 3 ming 436.30 Po'intqa chüshken.

"Wol strét zhurnili" diki xewerlerge qarighanda, xitay paychek bazirida bu nöwet körülgen yéngi dawalghushning yenimu ötkürlishidighanliqi melum.

Toluq bet