Уйғур аптоном районлуқ даириләр хитайниң "14-бәш йиллиқ пилани" мәзгилидә ассимилатсийәни күчәйтишни тәкитлигән

2021-01-11
Share

Уйғур аптоном районлуқ даиләр йеқинда йиғин чақирип, хитайниң "14-бәш йиллиқ пилани" мәзгилидә ассимилатсийәсини күчәйтишни, уйғур елидики һәр милләт хәлқидә "җоңхуа миллити ортақ идийәни мустәһкәмләш" ни тәләп қилған. "тәңритағ" ториниң хәвәр қилишичә, бу тәләп уйғур аптоном районлуқ паркомниң "ислаһатни омумиййүзлүк чоңқурлаштуруш комитети" ниң йеқинда өткүзүлгән 17-нөвәтлик йиғинида оттуриға қоюлған. Йиғинңа уйғур аптоном районлуқ парткомниң секритари чен чүәнго риясәтчилик қилған.

Чен чүүәнгоға өткән йили америка һөкүмити тәрипидин бейҗиңниң уйғурларни бастуруш, кишилик һоқуқини дәпсәндә қилиш сияситини иҗра қилишқа йетәкчилик қилиш билән әйиблинип имбарго қоюлған иди. "тәңритағ" ториниң хәвәр қилишичә, чен чүәнго йиғинда "14-бәш йиллиқ пилан" мәзгилидә райондики һәр милләт хәлқидә "җоңхуа миллити ортақ тонушини шәкилләндуруш" кә капаләтлик қилишни тәләп қилған. Һалбуки, көзәткүчиләр хитайниң "җоңхуа миллити ортақ гәвдиси тонуши" дегән бу уқумниң уйғур тили, тарихий, мәдәнийити вә кимликини инкар қилиш асасиға қурулғанлиқини қәйт қилип кәлмәктә.

Уларниң қаришичә, хитайниң бу уқуми уйғур "мәдәнийәт қирғичилиқи" ниң парчиси икән. Чен чүәнго ислаһат комитетиниң йиғида "һәр дәриҗилик һөкүмәтләрниң һоқуқи, чиқим мәсулийити вә малийәсигә мас келидиған муқим сестима бәрпа қилип, шинҗаң мәдәнийәт өзләштүрүш қурулушини чоңқур тәрәққий қилдуруши, җоңхуа миллити ортақ гәвдиси тонушини шәкилләндүрүши, пүтүн шинҗаңдики һәр милләт хәлқидә иттипақлишип күрәш қилишниң ортақ идийәви асасиға капаләтлик қилиши" ни тәләп қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт