Uyghur aptonom rayonluq da'iriler xitayning "14-Besh yilliq pilani" mezgilide assimilatsiyeni kücheytishni tekitligen

2021-01-11
Share

Uyghur aptonom rayonluq da'iler yéqinda yighin chaqirip, xitayning "14-Besh yilliq pilani" mezgilide assimilatsiyesini kücheytishni, Uyghur élidiki her millet xelqide "Jongxu'a milliti ortaq idiyeni mustehkemlesh" ni telep qilghan. "Tengritagh" torining xewer qilishiche, bu telep Uyghur aptonom rayonluq parkomning "Islahatni omumiyyüzlük chongqurlashturush komitéti" ning yéqinda ötküzülgen 17-nöwetlik yighinida otturigha qoyulghan. Yighinnga Uyghur aptonom rayonluq partkomning sékritari chén chüen'go riyasetchilik qilghan.

Chén chüüen'gogha ötken yili amérika hökümiti teripidin béyjingning Uyghurlarni basturush, kishilik hoquqini depsende qilish siyasitini ijra qilishqa yétekchilik qilish bilen eyiblinip imbargo qoyulghan idi. "Tengritagh" torining xewer qilishiche, chén chüen'go yighinda "14-Besh yilliq pilan" mezgilide rayondiki her millet xelqide "Jongxu'a milliti ortaq tonushini shekillendurush" ke kapaletlik qilishni telep qilghan. Halbuki, közetküchiler xitayning "Jongxu'a milliti ortaq gewdisi tonushi" dégen bu uqumning Uyghur tili, tarixiy, medeniyiti we kimlikini inkar qilish asasigha qurulghanliqini qeyt qilip kelmekte.

Ularning qarishiche, xitayning bu uqumi Uyghur "Medeniyet qirghichiliqi" ning parchisi iken. Chén chüen'go islahat komitétining yighida "Her derijilik hökümetlerning hoquqi, chiqim mes'uliyiti we maliyesige mas kélidighan muqim séstima berpa qilip, shinjang medeniyet özleshtürüsh qurulushini chongqur tereqqiy qildurushi, jongxu'a milliti ortaq gewdisi tonushini shekillendürüshi, pütün shinjangdiki her millet xelqide ittipaqliship küresh qilishning ortaq idiyewi asasigha kapaletlik qilishi" ni telep qilghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet