Yellén: xitayning pul siyasitidiki éniqsizliq dunya baziridiki dawalghushqa türtke boluwatidu

Muxbirimiz erkin
2016-02-10
Share

Amérika merkizi bankisi-fédiral ghezinisining re'isi jennét yellin xitayning xelq puli siyasitidiki éniqsizliq dunya baziridiki dawalghushqa türtke bolup, dunya iqtisadining ösüshige bolghan endishini kücheytiwatqanliqini bildürdi.

Jennét yellin charshenbe küni amérika dölet mejliside qilghan guwahliq sözide, xelq puli kursining yéqinda chüshüp kétishi "Xitayning pul obort siyasitidiki éniqsizliqni, uning iqtisadining istiqbaligha bolghan endishini kücheytiwetti" dédi.

Jennét yellin, xitay iqtisadi qattiq yiqilidu, dep qarimaydighanliqini ilgiri sürgen bolsimu, emma xelq puli siyasitidiki éniqsizliq yer shari iqtisadigha menfiy tesir körsitip, "Néfit we bashqa mehsulatlarning bahasidiki chüshüshke türtke boldi" dep körsetti.

Uning agahlandurushiche, mal bahasining chüshüp kétishi tawar éksport sahesidiki sermayini we tawar ishlepchiqarghuchi shirketlerni jiddiyleshtürüwétidiken. U, eger bu emelge ashsa "Xelq'ara iqtisadi pa'aliyet, amérika éksport mallirigha bolghan telep ajizliship, sermaye bazirining ehwali ilgirilep tariyidu" dédi.

Xitay hökümiti ilgiri xelq puli kursini qedem basquchluq qoyup bérishke wede qilghan bolsimu, emma u 2015‏-yili 8‏-ayda pul kursini kontrol qilishni kücheytip, xelq pulining kursini yene chüshürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet