"Axbarat" tori: "Fésbok xitayning pulini élip, Uyghurlargha munasiwetlik saxta uchurlarni tarqitiwatidu"

Muxbirimiz jewlan
2021-02-19
Share

En'giliyening "Axbarat" (Press gazette) tori 18-féwral élan qilghan bir maqalide, féysbok shirkitining xitayning pulini xejlep, Uyghurlargha munasiwetlik saxta uchurlarni tarqitiwatqanliqi körsitilgen.

Maqalide bildürülüshiche, amérika hökümiti xitayning jinayitini "Irqiy qirghinchiliq" dep jakarlighan we gherb ellirimu xitayni eyiblewatqan bu künlerde amérikaning dunyagha dangliq ijtima'iy alaqe tori bolghan fésbok, "Xitay kündilik géziti" bilen xitay yer shari téliwiziye torining chiqarghan nersilirini tarqitish bilenla qalmay, ularning gherb taratqulirini "Yalghan sözlewatidu" dep eyiblishige yol qoyghan. Féysbok ulardin élan-teshwiqat heqqi alghan hemde milyonlighan abontlarning bu mezmunlarni tarqitishigha yardem bergen.

"Axbarat" taratqusining bayqishiche, "Xitay kündilik géziti" Uyghurlargha a'it ishlen'gen widiyo yaki élan qilin'ghan maqalilerni tenqidlep, féysbok arqiliq buni milyonlighan abontlargha tarqitidiken؛ yaki öz pul chiqirip widiyo ishlep, Uyghur rayonidiki lagérlar we irqiy qirghinchiliq heqqidiki doklatlarning "Pütünley yalghan" ikenliki teshwiq qilidiken.

Uningdin bashqa féysbok yene xitay yer shari téliwiziye torining "Uyghur rayonidiki térrorluq" heqqide ishligen bir nechche widiyosini tarqatqan. Halbuki amérika hökümiti ötken yili bayanat bérip, bundaq térrorluq teshkilatining mewjut emesliki we xitayning uni bahane qiliwatqanliqini jakarlighanidi.

Maqalide éytilishiche, xitayda cheklinidighan féysbok hazir xitayning teshwiqat qoraligha aylinip qalghan bolup, buningda iqtisadiy menpe'ettin bashqa yene bezi sewebler bolushi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet