Amérika 15 neper xitay puqrasini aldamchiliq, saxtipezlik qilish bilen eyiblidi

Muxbirimiz erkin
2015-05-29
Share

Amérika edliye ministirliqi amérikida turushluq 15 xitay puqrasining aldamchiliq we saxtipezlik bilen resmiy eyiblen'genlikini élan qildi.

Edliye ministirliqining peyshenbe küni bildürüshiche, bu on besheylen chet'el pasporti yasash, xet-chek we pochta yollanmilirida saxtipezlik qilish, bashqilargha wakaliten imtihan'gha qatniship, amérika aliy ma'arip organlirini aldash qatarliq jinayetler bilen eyiblen'gen.

Amérikining pénsilwaniye shtati pétisburg fédiral teptish da'iriliri bu kishilerge 35 xil jinayet artqan. Eyibnamide körsitishiche, bu 15 kishi til biriktürüp, yéqinqi 4 yil ichide amérika ma'arip imtihan mulazimet merkizi we amérika aliy mektepler kéngishini aldighan.

Ular, bashqilarning namida amérika aliy mektep we aspérantliqqa qobul qilish ölchimi sinaq imtihanigha qatniship üstek alghan.

Amérika gherbiy pénsilwaniye fédiral teptish emeldari xiktonning bildürüshiche, bu kishiler saxta xitay pasporti yasap, bashqilar namidin imtihan'gha qatnashqan. Shu arqiliq ularning amérika aliy mekteplirige qobul qilish uqturushi élishigha yardem bergen. Teptish emeldari xikton, bu weqe, amérika aliy ma'aripini saxtipezliktin qoghdash kéreklikini körsitidu, dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet