Хоңкоң путбол мәстанилири хитай дөләт шеирини мазақ қилип варқириған

Мухбиримиз җүмә
2015.09.09
Share on WhatsApp
Share on WhatsApp

Мәлум болушичә, сәйшәнбә күни хоңкоңда өткүзүлгән дуня лоңқиси путбол мусабиқисигә қатнишиш салаһийитини талишиш мусабиқиси җәрянида хоңкоң путбол мәстанилири хитай дөләт шеири орунланғанда мазақ қилип варқириған.

Хоңкоң путбол җәмийити хадимлири мәзкур һадисини кичиклитишкә урунған болсиму, путбол мәстанилири хоңкоңдики бейҗиңпәрәс рәһбәрләрниң әйиблишигә учриған.

Мусабиқә хоңкоңниң моңкок тәнтәрбийә мәйданида өткүзүлгән болуп, қатар командиси 2 гә қариши 3 нәтиҗә билән хоңкоң командисини йәңгән.

Хоңкоң путбол мәстанилири бу йилниң бешида хоңкоңда өткүзүлгән башқа топ мусабиқилиридиму хитай дөләт шеири орунланғанда үшқиртип хитай дөләт шеириға наразилиқ билдүргән иди. Шундин кейин хоңкоң путбол җәмийити рәиси марк сутслифә кишиләрни дөләт шеирини һөрмәт қилишқа риғбәтләндүрүлгәнликини ейтқан. Һалбуки, хоңкоң топ мәстанилириниң хитай дөләт шеириға йәнә бир қетим һөрмәтсизлик қилиши путбол җәмийитини осал әһвалға чүшүрүп қойған.

Хоңкоңниң бейҗиңпәрәс палата әзаси майкел тйән дөләт шеириға үшқиртишниң өз дөлитигә һөрмәтсизлик қилиш болупла қалмай, хоңкоң мустәқиллиқни қоллайдиғанларға ян бесиш болидиғанлиқини билдүргән.

Хоңкоң оқуғучилири өткән йили сентәбирдин башлап хоңкоң валийсини өзлири сайлаш һоқуқини қолға кәлтүрүш үчүн айлап намайиш қилған вә бейҗиң даирилиригә наразилиқ билдүргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.