Xongkong putbol mestaniliri xitay dölet shé'irini mazaq qilip warqirighan

Muxbirimiz jüme
2015-09-09
Share

Melum bolushiche, seyshenbe küni xongkongda ötküzülgen dunya longqisi putbol musabiqisige qatnishish salahiyitini talishish musabiqisi jeryanida xongkong putbol mestaniliri xitay dölet shé'iri orunlan'ghanda mazaq qilip warqirighan.

Xongkong putbol jem'iyiti xadimliri mezkur hadisini kichiklitishke urun'ghan bolsimu, putbol mestaniliri xongkongdiki béyjingperes rehberlerning eyiblishige uchrighan.

Musabiqe xongkongning mongkok tenterbiye meydanida ötküzülgen bolup, qatar komandisi 2 ge qarishi 3 netije bilen xongkong komandisini yenggen.

Xongkong putbol mestaniliri bu yilning béshida xongkongda ötküzülgen bashqa top musabiqiliridimu xitay dölet shé'iri orunlan'ghanda üshqirtip xitay dölet shé'irigha naraziliq bildürgen idi. Shundin kéyin xongkong putbol jem'iyiti re'isi mark sutslife kishilerni dölet shé'irini hörmet qilishqa righbetlendürülgenlikini éytqan. Halbuki, xongkong top mestanilirining xitay dölet shé'irigha yene bir qétim hörmetsizlik qilishi putbol jem'iyitini osal ehwalgha chüshürüp qoyghan.

Xongkongning béyjingperes palata ezasi maykél tyen dölet shé'irigha üshqirtishning öz dölitige hörmetsizlik qilish bolupla qalmay, xongkong musteqilliqni qollaydighanlargha yan bésish bolidighanliqini bildürgen.

Xongkong oqughuchiliri ötken yili séntebirdin bashlap xongkong waliysini özliri saylash hoquqini qolgha keltürüsh üchün aylap namayish qilghan we béyjing da'irilirige naraziliq bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet