En'giliyediki ‍adwokatlar teshkilati: “Shinjangda qanun bilen bashqurushning ornini istibdat qanunsizliq igilidi”

Muxbirimiz erkin
2022.05.16
Share on WhatsApp
Share on WhatsApp

En'giliyediki adwokatlarning “Hoquq emeliyiti” namliq teshkilati doklat élan qilip, Uyghurlar élida yéqinqi bir qanche yildin béri “Qanun bilen bashqurushning ornini istibdat qanunsizliq” igiligenliki, xitayning bu rayondiki qanun torigha chüshüp qalghan Uyghurlarni “Mujimel, mexpiy we müshkül bir teqdir” kütüp turidighanliqini bildürgen. Italiyediki “Zémistan” namliq diniy erkinlik we kishilik hoquq torining éytishiche, ötken yildin béri qorshawda qalghan bu rayondiki türkiy xelqler démokratiyening adalet ghayisini buzup tashlaydighan qilmishlarning qurbanigha aylan'ghan.

Xewerde yene bu rayonda “Qanuniy wekillik bilen adil sotlinish arqiliq jinayiti ispatlanmighiche gunahsiz, dep qarilishi prinsipi” depsende qilin'ghanliqi, Uyghurlarning “Héchkimning jawapkarliqi bolmighan bir sistémining qurbanigha aylan'ghanliqi” tekitlen'gen. Melum bolushiche, “Qanunni depsende qilish, shinjangdiki jinayi ishlar dewaliri” namliq doklatta, 2017-yildin buyan az dégende bir milyon Uyghurni qanunsiz tutup turush arqiliq, xitay xelq jumhuriyitining qolgha élishni qanunluq asasta élip bérish jehettiki yigirme yilliq tereqqiyatining qandaq qilip keskin özgirish yasighanliqi yorutup bérilgen.

Doklatta éytilishiche, bu jeryanda xitay xelq'ara ölchemlerge emel qilidighanliqini aghzining uchida tekitlep qoyup, uning “Xitayche alahidilikke ige” shekilliri arqiliq bu ‍ölchemlerning her birige xilapliq qilghan. Doklatta, 2017-yili bir yilning ichide Uyghur élida qolgha élin'ghanlar we jazalan'ghanlarning 700 pirsent köpeygenliki, xitay asasiy qanuni we xitay qanunlirining tedbiqlinishi naheq bolsimu, biraq xitay kompartiyesining Uyghurlargha kelgende körünüshte bolsimu ulargha hörmet qilip qoymaydighanliqi körsitilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet