Amérika hökümiti "Qara tizimlik" ke alghan xitay shirketliri éghir zerbige uchrimaqta

Muxbirimiz eziz
2019-10-22
Élxet
Pikir
Share
Print

Amérika hökümiti yéqinda xitaydiki bir qisim shirketlerni Uyghurlar diyaridiki zulumgha shérik bolghanliqi üchün "Qara tizimlik" ke alghanidi.

Shularning ichide közitish kamérasi ishlepchiqirishta dunya boyiche eng chong bolghan shirkettin ikkisi we chiray tonush eswabi ishlepchiqiridighan, nechche milyard dollarliq meblighi bolghan shirkettin üchi bar iken. Yéqinqi "Qara tizimlik" ning élan qilinishi bilen bu shirketlerning iqtisadiy jehettin éghir qiyinchiliqqa duch kéliwatqanliqi melum bolmaqta.

Hemmidin muhimi ötken yillardin buyan nazuk bolghan yuqiri pen-téxnika mehsulatlirini xitaygha sétip kelgen amérika shirketliri "Qara tizimlik" ke élin'ghan xitay shirketliri bilen soda qilish üchün buningdin kéyin amérika soda ministirliqining ruxsitini élishi lazim iken. Buning bilen amérikaning yadroluq mehsulatigha éhtiyaji bolghan xitay shirketliri bu mehsulatlarni amérikidin bashqa jaylardin kirgüzüsh üchün tipirlimaqta iken.

Amérika hökümiti "Qara tizimlik" ni élan qilghandin kéyin en'gliye, gérmaniye, gollandiye qatarliq jaylardimu xitayning Uyghurlar diyaridiki basturush qilmishlirigha yardimi bolup qélish éhtimali bolghan shirketlerni sürüshte qilish bashlan'ghan.

Toluq bet