20 Yil burunqi xitay qatilni izdesh aqsaray torbétide ammiwi heriket qozghidi

Muxbirimiz shöhret hoshur
2013.05.06
Share on WhatsApp
Share on WhatsApp

Mushu ayning 3 - küni amérikining aqsaray torbétide, amérikidiki xitaylar teripidin bir murajetname élan qilindi. Murajetnamide, xitayda buningdin 20 yil burun yüz bergen bir qatilliq weqesi bayan qilinip, weqediki qatil gumandarining nöwette amérikida yashawatqanliqi pash qilindi.

Murajetnamide obama hökümitidin mezkur gumandar üstidin tekshürüsh élip bérish we amérikidin heydep chiqirish telep qilindi. Bu murajetname amérika jem'iyitide küchlük diqqet we himayige ériship, murajetnamini qollap imza qoyghuchilarning sani 3 kün ichide 110 mingdin ashqan.

Pash qilinishiche, 1995 - yili xitayning chingxu'a uniwérsitétining oqughuchisi ju ling, üz yatiqida namelum kishi yaki kishiler teripidin zeherlep öltürülgen. Gholluq qatil gumandari sün wéy, xitay yuqiri emeldarlar qatlimining ewladi bolghachqa, eyni chaghda mezkur délo sot teripidin netijisiz halda yépiwétilgen. Qatil gumandari sün wéy kéyinki yillarda ismini özgertip hem yalghan toy qilish resmiyiti bilen amérikigha köchüp kelgen.

Xitayche b b s ning bügün bu heqte bergen xewiride bayan qilinishiche, murajetname köp sanda kishilerning himayisige érishkechke, amérika hökümiti bu murajetnamige jawab qayturushi we mezkur qatil gumandari üstidin tekshürüsh élip bérishi mumkin.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet