Xitay-qazaqistan da'iriliri 5.3 Milyon dollarliq iqtisadiy kélishim imzalighan

Muxbirimiz jüme
2017-11-11
Élxet
Pikir
Share
Print

Xitayning qazaqistan yéshil kartisi bar qazaqlargha, jümlidin Uyghur élidiki qazaq xelqige parakendichilik sélishi éghirlashqanliqi xewer qiliniwatqan bir peytte, xitay-qazaqistan da'iriliri 5.3 Milyon dollarliq iqtisadiy soda kélishimi imzalighan.

Kélishim 10-noyabir ürümchide chaqirilghan bir soda munbiri yighinida imzalan'ghan. "Azer xewerliri" torining körsitishiche, kélishim qazaq karxanichilar bilen xitay mal sétiwalghuchilar arisida tüzülgen. 

Munberge 13 ke yéqin qazaq karxanichi we 100 ge yéqin xitay mal sétiwalghuchi qatnashqan. 

Xewerde neqil qilishiche, qazaqistan meblegh sélish bölümining diréktori xudiyarow nurlan 2017-yilining qazaq karxanichilar üchün yaxshi bir yil bolghanliqini éytqan. 

U mundaq dégen: "Qazaqistan we xitay hökümetlirining xizmetliri netijiside, qazaq mehsulatlirigha xéridar tépish mesilisi asta asta hel boluwatidu."

U yene Uyghur aptonom rayonining qazaqistan mehsulatlirini satidighan yoshurun küchi bar bazar ikenlikini bildürgen. 

Melum bolushiche, bu yil kirgendin buyan xitay we qazaqistan da'iriliri ürümchide shu xildiki munberlerdin 7 qétim ötküzgen. Bu jeryanda imzalan'ghan iqtisadiy kélishim jem'iy 70 milyon dollargha yetken. 

Yéqindin buyan Uyghur élidiki bezi qazaqlarning qazaqistan'gha chiqqanliqi seweblik qolgha élin'ghanliqi, yene bezilirining öz aldigha hejge barghanliqi üchün jazalan'ghanliqi xewer qilin'ghan.

Jazalan'ghanlar arisida qazaqistan yéshil kartisi bar qazaqlarningmu bar bolushi qazaqistanliq pa'aliyetchilerning diqqitini chekken. 

Bu yil qazaqistan paytexti astanada chaqirilghan "5-Nöwetlik dunya qazaq qurultiyi" da bezi wekiller bu mesilini otturigha qoyghan idi.

Toluq bet