Xitayning ichki qismida alte tirilyon dollarliq qerzi barliqi melum boldi

Muxbirimiz eziz
2018-10-18
Share

Xitayning "Iqtisadiy jehette yéngidin bash kötürgen küch" dep teriplinishige egiship, bu xil teripleshte tilgha élinmay kelgen selbiy tereplirimu ashkara bolushqa bashlidi.

18-Öktebir küni herqaysi chong axbarat wasitiliride hazirche xitayning ichki qismidiki yerlik hökümetlerning qerzini jemligende buning az dégendimu alte tirilyon amérika dollirigha yétidighanliqi heqqide mulahiziler bérildi.

"Soda chembiriki" gézitining 18-öktebirde élan qilin'ghan bu heqtiki maqaliside körsitilishiche, amérikidiki alaqidar maliye mutexessisliri bu halni omumlashturup "Bu peqet bizge ashkarilan'ghan ehwalning kichikkine bir parchisi. Bu xil qerzning emeliy miqdari buningdin nechche hesse zor bolushi mumkin" dégen.

Mutexessislerning pikriche, bu ichki qerzning mutleq köp qismi yerlik hökümetlerning maliye oborotida saqliniwatqan bolup, merkiziy hökümet bu qerz miqdarini kelgüside iqtisadiy weyranchiliq körülse serp qilishi mumkin iken. Shu sewebtin merkiziy hökümet bu xil qerzning barghanséri zoriyip kétishige gherezlik halda yol qoymaqta iken.

Ötken mezgillerde alaqidar mutexessisler bu heqte pikir qilip, Uyghurlar diyaridiki sani we kölimi zor derijide éship bériwatqan "Lagérlar qurulushi" gha ghayet zor meblegh serp qiliniwatqanliqini, nöwette pütkül Uyghur diyarida ishlepchiqirishning toxtash halitige chüshüp qalghanliqini tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet