Xitay qirghizistan'gha séliwatqan mebleghlirini hessilep köpeymekte

Muxbirimiz ümidwar
2016-06-09
Élxet
Pikir
Share
Print

Xitay ottura asiya döletliri bilen bolghan siyasy we soda - iqtisadiy alaqilirini kücheytish bilen birge yene meblegh sélishnimu ashurmaqta. Bolupmu, xitayning qirghizistan'gha séliwatqan meblighi téz sür'ette éshiwatqan bolup, perghane uchur torining qirghizistan döletlik statistika komitétining menbeliridin neqil élishiche, bu yil yanwardin martqiche bolghan ariliqta xitayning bu döletke salghan meblighi ötken yili bu mezgilde salghan meblighige qarighanda 15 hesse ashqan. Emma, xitaygha qarighanda rusiye, qazaqistan we türkiyening qirghizistan'gha séliwatqan mebleghliri anche yuqiri bolmighan.

Melum bolushiche, qirghizsitanning narin shehiride ötküzülgen "Narin - yipek yolidiki döletler ara iqtisadiy ötkel" namliq 4 - qétimliq xelq'araliq meblegh sélish munbiri pa'aliyitide narin wilayiti bilen Uyghur aptonom rayonigha tewe qizilsu qirghiz aptonom oblasti soda, iqtisadiy, sayahet boyiche mexsus mémorandum imzalighan. Xitay terep qirghizistanda sémont zawuti qurush, dolon tagh dawinida changgha téyilish meydani qurush, minéral suluq arshangni rawajlandurup, minéral su mehsulatlirini teyyarlash we bashqa köp türler boyiche hemkarliq layihelirini otturigha qoyghan.

Ottura asiya xewer menbeliridin melum bolushiche, xitay yene narin deryasida su éléktir istansiliri qurulush layihilirigimu meblegh sélish ipadisini bildürgen.

Téxi ötken ayda xitay tashqi ishlar ministiri wang yi qirghizistanni ziyaret qilghanda, xitayning qirghizistan bilen soda - iqtisadiy alaqilirini kücheytish hem qirghizistanning pishshiqlap ishlepchiqirish sana'iti mehsulatlirining xitaygha kirgüzülüsh miqdarini ashurush pikirini otturigha qoyghan idi.

Toluq bet