Xitay qorghasta hakimiyet organlirini ishqa kirishtürmekte

Muxbirimiz ümidwar
2015-04-19
Élxet
Pikir
Share
Print


Téxi ötken hepte xitay turpan wilayitini emeldin qaldurup, uni wilayet derijilik sheherge aylandurghandin kéyin, yene metbu'atlarda ishlepchiqirish qurulush armiyesi tewesidiki bir qanche yéngi sheherlerning wiwiska ésishqa bashlighanliqi xewer qilin'ghan idi.

Uyghur diyari bilen qazaqistan chégrasigha jaylashqan qorghas ötken yili 9 - ayda resmiy sheher bolup qurulghandin kéyin, 18 - april küni qorghas sheherlik xelq qurultiyi da'imiy komitéti we qorghas sheherlik siyasiy kéngesh resmiy wiwiska ésip ishqa kirishti.

"Shinjang géziti"ning xewer qilishiche, yéngidin qurulghan qorghas sheherlik xelq qurultiyining birinchi nöwetlik qurultiyining 37 neper ezasi bar bolup, bu ezalar 14 - 16 - april künliri échilghan qorghas sheherlik xelq qurultiyida békitilgen.

Xewerdin,melum bolushiche, qorghas shehirining partkom sékirtarliqigha wang gang isimlik biri teyinlen'gen.

Qorghas sheherlik xelq qurultiyi we siyasiy kéngeshning wiwiska ésish murasimigha Uyghur aptonom rayoni partkom we xelq qurultiyidin neyim yasin we esqer tursun isimlik ikki shexs qatnashqan.

Yéngidin qurulghan qorghas shehirining nopusi 40 mingdin artuq bolup, qorghas xitay merkiziy hökümiti teripidin muhim chégra éghizi we iqtisadiy alahide rayon dep békitilip zor meblegh ajritilghan.

Mulahizichilerning éytishiche, mezkur qorghas rayonida eslide Uyghurlar, qazaqlar mutleq köp sanliqni igiligen bolup, ötken esirning 60 - yilliridiki sowét ittipaqigha ammiwi qéchishtin kéyin xitay köchmenliri köplep orunlishishqa bashlighan. Hazir qorghas shehiride xitay köchmenlirining sani mutleq köp sanliqni igiligen we kelgüside téximu köpiyish mumkin iken.

Toluq bet