Хитай русийәгә керәк ярдәмләрни бериду

Мухбиримиз үмидвар
2014-12-21
Share


Русийәниң явропа иттипақи вә америкиниң йеңи имбаргосиға учриғанлиқи мунасивити билән русийә һөкүмити өзиниң наразилиқини билдүрүватқан һәм русийә пул - муамилә вә иқтисадида җиддий қийинчилиқлар көрүлүватқан бу күнләрдә хитай ташқи ишлар министири ваң йи әгәр русийә лазим көрсә, хитай өзиниң бар имканийәтлири даирисидә русийәгә керәклик ярдәмләрни бериду, дәп билдүрди.

Америка авазиниң йезишичә, ваң йи бу сөзини тайланд зиярити җәрянида шәнбә күни ейтқан. Униңдин башқа йәнә хитай сода министири гав хучеңму банкокта русийә рублисиниң баһасиниң чүшүп кетиш мәсилиси һәққидә пикир баян қилип, икки дөләт содисини техиму кеңәйтиш вә хитай хәлқ пулини икки дөләт сода һесабатида техиму көп ишлитиш арқилиқ сода һесабат бихәтәрликини капаләткә игә қилишни оттуриға қойған.

У, русийәниң иқтисадий җәһәттики өзгиришлириниң бир қанчә йил илгири көрүлүшкә башлисиму, әмма ғәрбниң имбаргоси билән техиму гәвдилик болғанлиқини тәкитлигән.

Русийә билән хитай арисидики содида рубли вә хәлқ пули ишлитиш пикирлири икки дөләт рәһбәрлири арисида көп қетим тәкитләнгән иди. Ахирқи қетим бу йил 10 - айда җуңго баш министири ли кечаңниң москва зияритидиму бу мәсилә көтүрүлгән. Әмма йеқинқи икки һәптидин буян русийә рублисиниң баһаси чүшүп вә муқимсиз болуш вәзийити еғирлишип кәткән, шуниңдәк шәнбә күни русийәгә қарита йеңи иқтисадий имбарго елан қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт