Xitay rusiyege kérek yardemlerni béridu

Muxbirimiz ümidwar
2014-12-21
Share


Rusiyening yawropa ittipaqi we amérikining yéngi imbargosigha uchrighanliqi munasiwiti bilen rusiye hökümiti özining naraziliqini bildürüwatqan hem rusiye pul - mu'amile we iqtisadida jiddiy qiyinchiliqlar körülüwatqan bu künlerde xitay tashqi ishlar ministiri wang yi eger rusiye lazim körse, xitay özining bar imkaniyetliri da'iriside rusiyege kéreklik yardemlerni béridu, dep bildürdi.

Amérika awazining yézishiche, wang yi bu sözini tayland ziyariti jeryanida shenbe küni éytqan. Uningdin bashqa yene xitay soda ministiri gaw xuchéngmu bankokta rusiye rublisining bahasining chüshüp kétish mesilisi heqqide pikir bayan qilip, ikki dölet sodisini téximu kéngeytish we xitay xelq pulini ikki dölet soda hésabatida téximu köp ishlitish arqiliq soda hésabat bixeterlikini kapaletke ige qilishni otturigha qoyghan.

U, rusiyening iqtisadiy jehettiki özgirishlirining bir qanche yil ilgiri körülüshke bashlisimu, emma gherbning imbargosi bilen téximu gewdilik bolghanliqini tekitligen.

Rusiye bilen xitay arisidiki sodida rubli we xelq puli ishlitish pikirliri ikki dölet rehberliri arisida köp qétim tekitlen'gen idi. Axirqi qétim bu yil 10 - ayda junggo bash ministiri li kéchangning moskwa ziyaritidimu bu mesile kötürülgen. Emma yéqinqi ikki heptidin buyan rusiye rublisining bahasi chüshüp we muqimsiz bolush weziyiti éghirliship ketken, shuningdek shenbe küni rusiyege qarita yéngi iqtisadiy imbargo élan qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.