Rusiyening bayqal köli boyliridiki ahaliler xitay sayahetchilerning kélishige qarshi chiqti

Muxbirimiz ümidwar
2018-03-11
Share

Rusiyening bayqal köli etrapidiki ahaliler xitay puqralirini qarshi almaydighanliqini, chünki ularning bayqal köli rayonining muhitini asrimaydighanliqini bildürüshken.

Yéqinda rusiyediki "Bayqal köli" namliq fond jem'iyet bilen bir tehlil merkizi birlikte bayqal köli etrapidiki irkutsk oblasti we buryatiye jumhuriyiti ahalisi arisida, bolupmu mezkur jaylardiki 26 ahaliler rayonida omumyüzlük ammining rayini sinash élip bérish arqiliq 79% ahalining xitay sayahetchiliri, sodigerliri we ishchilirining bayqal köli rayonigha kélishidin xatirjemsiz ikenliki, 83% ahalining bayqal köli rayonida xitaylarning qanunsiz méhmanxana we bashqilarni échishigha qarshi turidighanliqi, 94% ahalining xitay sayahetchilirini bayqal kölining ékologiyilik muhitini bulghidi, dep qaraydighanliqini otturigha qoyghan.

59% Ahale xitay we bashqa asiya memliketlirining sayahetchilirining bayqal köli rayonigha kirishini chekleshni telep qilghan.

Rusiye metbu'atlirida bayqal kölige kélidighan xitay sayahetchilirining sanining barghanséri éshiwatqanliqi, hetta xitay sodigerliri we karxanichilirining bayqal köli rayonidin yer sétiwéliwatqanliqi yézilmaqta. "Komsomol heqiqiti" namliq gézitte élan qilin'ghan bir parche maqalide qeyt qilinishiche, hetta bayqal köli rayonidiki listiwiyanka qatarliq jaylarda xitay sodigerliri yer sétiwélip méhmanxanilarni qurushqa tutush qilghan. Maqalide bayqal kölige kelgen bezi xitay sayahetchilirining "Bayqal kölining 200 yil ilgiri xitaygha tewe jay ikenliki" ni éytqanliqimu eskertilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.