Nyu-york aksiye baziri qaytidin xitay télégraf shirketlirini pay baziridin chiqiriwétishni qarar qildi

Muxbirimiz irade
2021-01-07
Share

6-Yanwar charshenbe küni, nyu-york aksiye baziri yene qaytidin xitayning üch chong télégraf shirkitining pay cheklirini aksiye baziridin chiqiriwétidighanliqini jakarlidi.

Nyu-york waqti gézitining xewer qilishiche, nyu-york aksiye baziri tramp hökümiti we amérika dölet mejlisining küchlük bésim qilishi bilen qararini özgertishke mejbur bolghaniken.

Aldinqi hepte nyu-york aksiye baziri prézidént donald tramp ötken noyabirda imzalighan memuriy buyruqqa asasen xitayning üch chong télégraf shirkiti bolghan 'xitay birleshme xewerlishish shirkiti', 'xitay télégraf shirkiti' we 'xitay köchme xewerlishish shirkiti' ning pay cheklirini aksiye tizimlikidin chiqiriwétidighanliqini jakarlighan bolsimu, biraq kéyin qararidin yéniwalghan idi.

Nyu-york aksiye baziri bolsa charshenbe künidiki bayanatida bolsa özlirining amérika maliye ministirliqining tashqi mülkni kontrol qilish ishxanisining bu heqtiki "Yéngi yétekchi qarari" ni tapshuruwalghanliqini we amérika qanunlirigha emel qilip, shu boyiche ish köridighanliqini jakarlighan.

Nyu-york waqti gézitining éytishiche, qarar düshenbe künidin étibaren ijra qilinidiken. Nyu-york aksiye bazirining bu yéngi qarari amérikining xitay bilen bolghan maliye alaqisini üzüshini teshebbus qiliwatqan bir qisim dölet mejlis ezalirining maxtishigha sazawer bolghan.

Kéngesh palata ezasi bén sassé sözide "Eng asasiy ochuq-ashkariliq telipinimu ret qilip kelgen we xitay armiyesi bilen munasiwetlik bu xitay shirketliri amérikining meblighidin paydilanmasliqi kérek", dégen.

Bundin ilgiri "FTSE Russell" we "S&P", "Dow Jones" qatarliq paychek körsetküchliri xitay shirketlirini yer shari körsetküchidin chiqiriwetken iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet