Хәлқаралиқ даңлиқ маркиларниң уйғур мәҗбурий әмгикигә четишлиқ хитай ширкити билән изчил сода қиливатқанлиқи ашкариланди

Мухбиримиз әркин
2022-01-14
Share

Хитайниң баш штаби хоңкоңдики “йида гуруһи” намлиқ ширкитиниң мәһсулатлири уйғур мәҗбурий әмгикигә четишлиқ, дәп америка сода министирлиқи тәрипидин чәкләнгән болсиму, “һюго бөс” ни ‍өз ичигә алған бәзи даңлиқ хәлқара маркиларниң униң билән давамлиқ сода қиливатқанлиқи ашкариланди. “базфед хәвәрлири” агентлиқиниң ейтишичә, һюго бөс, томи һелфегир қатарлиқ даңлиқ маркилар өткән йили “йида гуруһи” ниң мәһсулатлирини давамлиқ америкаға елип киргән.

Хәвәрдә, һюго бөс өзлириниң мәһсулатлирини “шинҗаң пахтиси” да ишләпчиқирилмиған, дәп базарға салсиму, бирақ мәҗбурий әмгәкниң уйғурлар районида кәң тарқалғанлиқи, һөкүмәтниң учурни мутләқ контрол қилиши түпәйли тәминат зәнҗириниң мәҗбурий әмгәккә четилғанлиқини ениқлаш мумкин әмәслики тәкитләнгән. “йида гуруһи” мәҗбурий әмгәккә четишлиқ икәнликини рәт қилсиму, бирақ униң мәһсулатлириға “шинҗаң пахтиси” ишлитидиғанлиқи мәлум. Америка һөкүмити 2020-йили 7-айда “йида гуруһи” ниң санҗидики бир завутиниң мәҗбурий әмгәккә четилиши сәвәблик бу завутниң мәһсулатлирини чәклигән.

“базфед хәвәрлири” ниң ашкарилишичә, америка “йида гуруһи” ниң санҗидики завутиниң мәһсулатлирини чәклигән болсиму, бирақ у гуаңдуң ‍өлкисидики завутлириниң мәһсулатлирини давамлиқ америкаға експорт қилип кәлгән. Униң гуаңдуңдики завутлири уйғурлар районидики завути билән давамлиқ һәмкарлашқан.

Хәвәрдә ейтилишичә, мәйли һюго бөс, томи һилфегер яки ралф лаурен болсун “йида гуруһи” ниң мәһсулатлириниң нәдин кәлгәнликини қайта-қайта сориған болсиму, ейтип бәрмигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт