"дахуа" ширкити камералириниң уйғурларни пәрқләндүрүш иқтидари диққәт қозғиди

Мухбиримиз ирадә
2021-02-09
Share

Дунядики назарәт камера системилири үстидә тәтқиқат елип баридиған "IPVM" тәтқиқат ширкити бүгүн йәни 9-феврал күни хитайниң әң чоң назарәт камераси ишләпчиқиридиған "дахуа" ширкити камералириниң мәхсус уйғурларни пәрқләндүридиған иқтидари вә бу системиниң қандақ қилип сақчиға сигнал беридиғанлиқидәк ишләш җәряни тәпсилий чүшәндүрүлгән бир видийо ишләп тарқатти. Мәзкур видийо тарқитилғандин кейин хитай назарәт камераси ширкәтлириниң уйғурларниң кишилик һоқуқини еғир дәриҗидә дәпсәндә қилишқа қатнишиватқанлиқи йәнә бир қетим муназирә қозғиди.

Бүгүн бу һәқтә йәнә америкадики "лос-анҗилис вақти гезити" диму хәвәр тарқитилди.

Хәвәрдә дунядики әң чоң назарәт камераси ишләпчиқарғучи болуп һесаблинидиған бу ширкәтләрниң һелиһәм америка базирини вә дуняниң башқа җайлирини камера билән тәминләйдиған асаслиқ мәнбә болуватқанлиқи тәкитләнди.

Хәвәрдин қариғанда, дахуа ширкити гәрчә америка һөкүмити тәрипидин җазаланған 20 ширкәт ичидә болсиму, бирақ бу ширкәт калифорнийәдила кәм дегәндә 80 орун билән аммиви тохтам түзгән, содиниң қиммити 10 милйон доллар қиммитидә икән.

"IPVM" тәтқиқат ширкити бу йил 1-айда, хитайдики "Hikvision, Dahua вә Uniview" қатарлиқ чоң техника ширкәтлириниң өз камералиридики уйғурларни байқаш, из қоғлаш вә назарәт қилиш иқтидариниң патент һоқуқини тизимға алдурғанлиқини ашкарилап зор ғулғула қозғиған иди.

Әйни чағда, бу хитай ширкәтлири мухбирларға қайтурған инкасида "патентқа илтимас қилғанлиқ бу техникалар чоқум шу мәқсәттә қоллинилиду дегәнлик әмәс", дәп өзини ақлиған.

"лос-анҗилис вақти гезити" ниң хәвиридин қариғанда, юқиридики дахуа қатарлиқ ширкәтләрниң америка вә башқа дөләтләр базарлириға кириватқан камералириға уйғурларни пәрқләндүрүш иқтидари қошулған-қошулмиғанлиқи ениқ әмәскән, бирақ у йәнила кишилик һоқуқ паалийәтчилириниң күчлүк әндишисини қозғиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт