Amérika besh xitay shirkitini “Pay chéki baziridin chiqiriwétidighan shirketler” tizimlikige kirgüzgen

Muxbirimiz erkin
2022.03.11
Share on WhatsApp
Share on WhatsApp

Amérika paychiki bazirini bashqurush komitéti xitayning beychi shénjow, beyshing jonggo, zeyding dorigerlik cheklik shérkiti qatarliq 5 shirkitini amérika paychéki baziridin chiqirilidighan shirketler tizimlikige kirgüzgen.

Amérika paychéki bashqurush komitétining bu qarari amérikaning 2020-yili 12-ayda yolgha qoyulghan chet el shirketlirining jawabkarliq qanunigha asasen chiqirilghan. Bu qanunda amérika paychéki baziridiki amérikaliq nazaretchilerning maliye meshghulatini tekshürüshige yol qoymighan chet el shirketlirini éniqlap chiqishi telep qilin'ghan.

Bu ‍amérika paychéki bashqurush komitétining mezkur qanun ijra qilinishqa bashlighandin béri tunji qétim bu xil shirketlerni éniqlap tizimlikke kirgüzüshidur. “Wol-stérét zhornili” gézitining éytishiche, yuqiriqi besh shirket qanun'gha asasen 3-ayning 29-künigiche amérika paychéki bashqurush komitétigha özlirining maliye meshghulatigha a'it delillerni tapshurushi kérek iken. Bu besh shirket beychi shénjow, beyshing jonggo, zeyding dorigerlik cheklik shérkiti, ACM, xéxu'ang dorigerlik shirkiti qatarliqlarni öz ichige alidiken.

“Wol-stérét zhornili” gézitining éytishiche, amérika paychéki bazirini bashqurush komitéti 10-mart yuqiriqi shirketlerning tizimlikke élin'ghanliqini élan qilghandin kéyin, bu shirketlerningmo pay chéki jiddiy chüshüp ketken. Xewerde ali babaning pay chéki 10 pirsenttek chüshkenliki, beyshing jonggoning pay chéki 15 pirsent chüshüp ketkenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet