Xitayning xeykang, daxu'a téxnologiye shirketlirining kaméraliri en'gliyedimu chekleshke duch keldi

Muxbirimiz erkin
2022.06.06
Share on WhatsApp
Share on WhatsApp

Xitayning Uyghur élida digital nazaret sistémisi qurup, Uyghurlargha irqiy qirghinchiliq qilishigha yardem bérish bilen eyiblinip kelgen dunyagha dangliq ikki chong kaméra shirkiti en'gliyedimu cheklinishike duch kelgen. Melum bolushiche, nöwette en'gliye parlaméntida xitayning xangjo xeykang digital téxnologiye shirkiti bilen jéjyang daxu'a téxnologiye shirkitining kaméralirini en'gliyede ishlitishni cheklesh toghrisidiki qanun layihesi bu yil yazda küntertipke qoyulidiken. Eger bu qanun layihesi parlaméntta maqullansa, en'gliye amérikadin kéyin bu ikki shirketning mehsulatlirini chekligen 2-dölet bolup qalidu.

Amérika ötken yili bu ikki shirketning Uyghurlarni basturushta oynighan roli seweblik ularning mehsulatlirini dölet organlirida ishlitishni chekligenidi. “Yaxo xewerliri” ning éytishiche, en'gliye parlaméntining konsérwatiplar partiyesidin bolghan ezasi, xitay tetqiqat guruppisining qoshumche re'isi alisiya kérns “Biz irqiy qirghinchiliqqa shérikleshken shirketlerni ishletmeslikimiz, ‍ulargha emdi yol qoymasliqimiz kérek” dégen. Xewerde éytilishiche, bu ikki xitay shirkitining en'gliyediki monopolluq ornining artishi we ularning Uyghurlarni nazaret qilishqa qatnishishi jiddiychilikni kücheytken.

Xewerde yene en'gliye hökümiti “Shinjangdiki depsendichiliklerni qattiq tenqid qilip kelgen bolsimu, biraq xitay kaméra shirketlirining mehsulatlirini chekleshke bek qiziqmaydighanliqi, halbuki nöwette bu jehettiki bir qanun layihesi parlaméntqa sunulghanliqi, burun orunlashturulghan kaméralar élip tashlanmisimu, lékin kishilik hoquq we bixeterlik tüpeyli xitay kaméralirini sétiwélishni ret qilish chaqiriqlirining ulghiyiwatqanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet