Amérika xitayning rusiyege yardem bériwatqan 5 shirkitini qara tizimlikke kirgüzgen

Muxbirimiz jewlan
2022.06.29
Share on WhatsApp
Share on WhatsApp

28-Iyun küni jow baydén hökümiti xitayning 5 shirkitini rusiyening herbiy we dölet mudapi'e bazisigha yardem bergenliki üchün qara tizimlikke kirgüzgen؛ bu arqiliq rusiyening ukra'inagha hujum qilishigha yardem bériwatqan her qandaq dölet yaki organni jazalaydighanliq iradisini körsetken.

Roytérs agéntliqining xewirige qarighanda, rusiyege yardem bergen bu 5 xitay shirkiti Connec éléktron cheklik shirkiti, bash shtabi xongkonggha jaylashqan World Jetta shirkiti, arqa sep teminati cheklik shirkiti, king pey téxnologiye shirkiti we Winnic éléktron cheklik shirkiti qatarliqlar iken.

Rusiye 24-féwral ukra'inagha hujum qilishtin ilgirila bu 5 shirket rusiyege nahayiti “Muhim mallar” ni teminligen؛ rusiye ukra'inagha hujum qilghandin kéyin amérika soda ministirliqi rusiye bilen qoyuq soda qiliwatqan shirketlerni jazalighan. Emma bu 5 shirket rusiye bilen soda qilish cheklen'gen shirketler bilenmu dawamliq soda qiliwergen.

Amérika soda minisitirliqining mu'awin ministiri alan istiwiz (Alan Estevez) bu 5 shirketni qara tizimlikke kirgüzüsh heqqide ipade bildürüp: “Bizning bügünki bu herikitimiz dunyaning her qaysi jayliridiki shirketler we shexslerge bérilgen küchlük signaldur. Eger ular rusiyege yardem bermekchi bolsa, amérika ular bilen bolghan munasiwitini üzüp tashlaydu” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.