Xitayning nurghun moda shirketliri amérikaning “Shinjang paxtisi” ni chekligenlikidin xewiri yoqlirini éytqan

Muxbirimiz erkin
2022.07.08
Share on WhatsApp
Share on WhatsApp

Amérikadiki “Wog soda teminlesh zenjiri” namliq moda kiyim tor békitining ashkarlishiche, xitaydiki nurghun moda kiyim shirketliri amérikaning qanun chiqirip “Shinjang paxtisi” ni chekligenlikidin xewiri yoqliqini éytqan. Bu tekshürgüchilerde xitay moda kiyim shirketliri amérika-xitay arisidiki chong ixtilapqa seweb bolghan we dunyada zor tesir qozghighan bu qanunni qesten bilmeske séliwaldimu yaki uningdin rast xewiri yoqmu, digen gumanni qozghighan. “Wog soda teminlesh zenjiri” torining élan qilghan bu heqtiki tekshürüsh doklatida, bu ehwal amérika markilirigha körünerlik xewp peyda qilidighanliqini bildürgen.

Doklatta amérika hökümiti 21-iyun “Uyghur mejburi emgikining ‍aldini élish qanuni” ni resmiy ‍ijra qilip, xilapliq qilghuchilargha 250 ming dollar jerimane qoyushni bashlighandin kéyin, Uyghur mejburi emgek mehsulatliridin xaliy bolush amérika shirketlirining üstige chüshkenliki tekitlen'gen. “Wog” ning doklatida éytilishiche, ularning soda guruppisi xitaydiki 10 chong moda kiyim bilen teminligüchi shirket bilen alaqilashqan bolup, ulardin peqet ikkisila amérikaning qanun chiqirip “Shinjang paxtisi” ni chekligenlikidin xewiri barliqini éytqan.

Xitayning moda kiyim ishlepchiqirish merkizi bolghan gu'angjudiki bir shirket amérikadiki yette chong xéridarining héchqaysisining bu cheklimini tilgha ‍élip baqmighanliqi, özlirining téxi ötken hepte amérikagha zakas mal ewetkenliki, bu mallar xitay paxta mehsulatlirini öz ichige alidighanliqini bildürgen. Ular alaqilashqan peqet bir shirketla amérikadiki xéridarlirini alaqidar höjjetler bilen teminlesh üchün soda meshghulatini özgertkenlikini éytqan. Doklatta mutexessislerning sözini neqil keltürüshiche, “Shirketlerning bu qanun'gha qanchilik jiddiy qarishi, amérika hökümitining bu qanunni qandaq tedbiqlishi, uni qanchilik qattiq ijra qilishigha baghliq,” iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.