Amérika tashqi ishlar ministirliqi xitay téxnolgiye shirketlirining xadimlirigha wiza cheklimisi qoyidighanliqini jakarlidi

Muxbirimiz nur'iman
2020-07-15
Élxet
Pikir
Share
Print

Amérika tashqi ishlar ministirliqi 15-iyul küni xitaydiki kishilik hoquqni depsende qilishqa qatnashqan xitay téxnika shirketlirining bezi xizmetchilirige wiza cheklimisi qoyghanliqini jakarlidi.

Bu heqtiki bayanatta mundaq déylgen: "Amérika qoshma shtatliri uzundin buyan dunyadiki ézilgen xelqlerning ümid chirighi, awazi boghulghanlaning awazi bolup keldi. Biz dunyadiki eng mustebit döletlerning biri bolghan xitay we uninggha hökümranliq qiliwatqan xitay kompartiyesining kishilik hoquq depsendichiliklirige qarshi turuwatimiz"

Bayanatta körsitilishiche, mezkur wiza cheklimisi xitayning Uyghur élidiki yuqiri téxnikiliq nazeret sistémisi we yighiwélish lagérlirini qurushta hökümet bilen hemkarlashqan xu'awéy shirkitining xizmetchilirinimu öz'ichige alidiken.

Bayanatning axirida mundaq déyilgen: "Dunyaning herqaysi jayliridiki télégraf shirketliri estayidil oylishishi kérek. Eger ular xu'awéy shirkiti bilen soda qiliwatqan bolsa, u chagha ular kishilik hoquqni depsende qilghuchilar bilen soda qiliwatqan bolidu."

Amérika hökümiti bu yilning bashlirida xitay hökümitining Uyghur rayonidiki yuqiri téxnikiliq teqib sistémisini qurup chiqishigha hemkarlashqan nechche onlighan xitay shirketliri we hökümet organlirini "Qara tizimlik" ke alghan idi.

Toluq bet