Иранға четишлиқ хитай ширкәтлирини америка “қара тизимлик” кә алди

Мухбиримиз әзиз
2022.08.02
Share on WhatsApp
Share on WhatsApp

Ройтерс агентлиқиниң 2-авғусттики хәвиридә ейтилишичә, америка һөкүмити алдинқи күни иранниң шәрқий асия районида нәччә он милйон тоннилиқ нефит вә нефит-химийә санаити мәһсулатлирини сетишиға ярдәмләшкән хитай ширкәтлиригә җаза елан қилған.

Хәвәрдә ейтилишичә, америка малийә министирлиқи вә ташқи ишлар министирлиқи алтә ширкәткә җаза елан қилған болуп, буниң төти хоңкоңда, қалған иккиси сингапор вә әрәб бирләшмә хәлипиликидә икән. Бу ширкәтләр иранға ембарго елан қилинғанлиқиға қаримастин иранниң асия районида нефит мәһсулатлирини сетишиға йошурун ярдәмләшкән һәмдә буниңдин ғайәт зор пайдиға еришкән. Мәлум болушичә, бу җаза елан қилинғандин кейин америка тәвәсидики һечқандақ шәхс яки ширкәтниң булар билән сода алақисидә болуши мәни қилинидикән. Малийә министирлиқиниң юқири дәриҗилик әмәлдари брайин нелсон (Brian Nelson) бу һәқтә сөз қилип: “иран өз мәҗбурийитини толуқ ада қилғанға қәдәр иранға қаритилған җаза тәдбирлири күчкә игә болиду. Униңға һәмдәм болғанларму охшашла җазалиниду” дегән.

Хәвәрдә ейтилишичә, хитай һөкүмити изчил иранға елан қилинған ембарго чарилириға қарши икәнликини тәкитләп келиватқан болуп, нурғунлиған хәлқаралиқ мәсилиләрдә, җүмлидин уйғур дияридики қирғинчилиқта иран һөкүмити хитайни паал қоллап кәлгәникән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.